પંચમહાલ: ગોધરામાંથી પોલીસે પ્રતિબંધિત ચાઇનીઝ દોરીનો મોટો જથ્થો ઝડપી પાડ્યો

પ્રતિબંધિત ચાઇનીઝ દોરીનો મોટો જથ્થો કબ્જે કરી કાયદેસરની કાર્યવાહી હાથ ધરી છે ઉતરાયણ પર્વની ઉજવણીમાં ગણતરીના દિવસો બાકી રહ્યાં છે.

author-image
By Connect Gujarat in ગુજરાત સમાચાર
New Update
પંચમહાલ: ગોધરામાંથી પોલીસે પ્રતિબંધિત ચાઇનીઝ દોરીનો મોટો જથ્થો ઝડપી પાડ્યો

પંચમહાલ જિલ્લાના ગોધરામાંથી પોલીસે પ્રતિબંધિત ચાઇનીઝ દોરીનો મોટો જથ્થો કબ્જે કરી કાયદેસરની કાર્યવાહી હાથ ધરી છે ઉતરાયણ પર્વની ઉજવણીમાં ગણતરીના દિવસો બાકી રહ્યાં છે. પતંગ રસિયાઓમાં અનેરો આનંદ અને ઉત્સાહ જોવા મળી રહ્યો છે. કેટલાક પતંગ દોરીના વિક્રેતાઓ દ્વારા જિલ્લા મેજિસ્ટરના જાહેરનામાનો ભંગ કરી પ્રતિબંધિત ચાઈનીઝ દોરીનું વેચાણ કરતા હોવાનું જાણવા મળ્યું છે.

ત્યારે જિલ્લા મેજિસ્ટ્રેટના જાહેરનામાનું કડક રીતે પાલન થાય તેના માટે પોલીસ અધિક્ષક હિમાંશુ સોલંકીએ દરેક પોલીસ મથકને સૂચન આપી છે. ત્યારે ગોધરા શહેરના મોદીની વાડી નં-2 તેમજ વેજલપુર તાલુકાના રીંછીયા ગામે તેમજ ગોધરા તાલુકાના કંકુથાંભલા ગામેથી પ્રતિબંધિત ચાઈનીઝ દોરીના રીલ નંગ 261 સહિત 50 હજાર 800ના મુદ્દામાલ સાથે ચાર ઇસમોને ઝડપી પાડી કાયદેસરની કાર્યવાહી હાથ ધરી હતી.

#પંચમહાલ #Chinese cord #Godhra #Uttarayan 2023 #Kite Festival2023 #Panchmahal News #Kite Festival #ચાઇનીઝ દોરી #Uttarayan #14th January #Connect Gujarat #Panchmahal #Godhra Gujarat
Related Articles
Read the Next Article

ભરૂચ: ગ્રામપંચાયતોની ચૂંટણીનો ધમધમાટ, ચૂંટણી નિરીક્ષક એન.એન.માધુની અધ્યક્ષતામાં કલેકટર કચેરીમાં બેઠક યોજાય

ચૂંટણી નિરીક્ષક એન.એન.માધુના અધ્યક્ષસ્થાને કલેક્ટર કચેરી ભરૂચ ખાતે મિંટીંગ યોજાઈ હતી.ચૂંટણીની આદર્શ આચાર સંહિતાનું ચુસ્તપણે પાલન કરવાની અપીલ કરી

author-image
By Connect Gujarat Desk in ભરૂચ સમાચાર
New Update
ચૂંટણી કામગીરી
ભરૂચ જિલ્લામાં ગ્રામ પંચાયતોની સામાન્ય/ મધ્યમસત્ર પેટા ચૂંટણી કામે ચૂંટણીલક્ષી જુદી જુદી કામગીરી માટે નિમણૂંક થયેલા જિલ્લા કક્ષાના નોડલ અધિકારીઓ સાથે ચૂંટણી નિરીક્ષક એન.એન.માધુના અધ્યક્ષસ્થાને કલેક્ટર કચેરી ભરૂચ ખાતે મિંટીંગ યોજાઈ હતી.ચૂંટણીની આદર્શ આચાર સંહિતાનું ચુસ્તપણે પાલન કરવાની અપીલ કરી હતી. ચૂંટણી સંદર્ભે ગ્રામ્ય વિસ્તારોની સ્થાનિક પરિસ્થિતિનો પૂરતો તાગ મેળવીને કાર્ય આયોજન હાથ ધરવાની પણ જિલ્લા ચૂંટણી અધિકારીએ સૂચના આપી હતી.
આ બેઠક દરમિયાન અધિક જિલ્લા ચૂંટણી અધિકારી અને નિવાસી અધિક કલેક્ટર  એન.આર.ધાધલે બેઠકનું સંચાલન કરતાં અગત્યના મુદાઓ જેવા કે, કાયદો અને વ્યવસ્થા તથા પોલીસ બંદોબસ્ત, મેન પાવર, તાલીમ, વાહન વ્યવસ્થા, RO અને ARO ની નિયુક્તિ, મતપત્રકો અને પ્રતિકોની ફાળવણી, મતપત્રો છપામણી કામગીરી તેમજ છાપકામ બાદ રદ/ ખરાબ થયેલા મતપત્રો નાશ કરવા અંગેની કામગીરી, પોલીંગ સ્ટાફ, મતગણતરી સ્ટાફને તાલીમ,મતદાન મથકો પર પ્રાથમિક સુવિધા, સ્ટ્રોંગરૂમ તથા કાઉન્ટીંગ હોલ, ચૂંટણીખર્ચના હિસાબોની ચકાસણી, વાહન ફાળવણી, ચૂંટણીના સ્ટાફને ટપાલ મતપત્રો આપવા અને આદર્શ આચાર સંહિતાના જેવા મુદ્દે વિસ્તૃત ચર્ચા હાથ ધરી હતી.
#Election 2025 #ગ્રામ પંચાયત ચૂંટણી #Gram Panchayat elections