પંચમહાલ : રૂ. 1 કરોડથી વધુના દારૂના જથ્થા પર ફરી વળ્યું પોલીસનું બુલડોઝર...

પંચમહાલ જિલ્લાના કાલોલ, હાલોલ, ઘોઘંબા અને જાંબુઘોડા પોલીસ દ્વારા ગત વર્ષે પકડવામાં આવેલ રૂપિયા 1 કરોડ 4 લાખ 25 હજાર ઉપરાંતના દારૂના જથ્થાનો નાશ કરવામાં આવ્યો હતો.

પંચમહાલ જિલ્લાના કાલોલ, હાલોલ, ઘોઘંબા અને જાંબુઘોડા પોલીસ દ્વારા ગત વર્ષે પકડવામાં આવેલ રૂપિયા 1 કરોડથી વધુની કિંમતના વિદેશી દારૂના જથ્થાનો નાશ કરવામાં આવ્યો હતો. હાલોલના નજીક પાવાગઢની તળેટીમાં આવેલ જાંબુડી ખાતે હાલોલ ડી.વાય.એસ.પી, પ્રાંત અધિકારી સહિત 8 પોલીસ મથકના પોલીસ અધિકારીઓની ઉપસ્થિતિમાં તમામ પોલીસ મથકોમાં પકડાયેલ દારૂના જથ્થાની ગણતરી કરી તેના ઉપર બુલડોઝર ફેરવી દેવામાં આવ્યું હતું.