પાટણ: ભાજપ દ્વારા જાહેરસભાનું કરવામાં આવ્યુ આયોજન, અલ્પેશ ઠાકોરે વિપક્ષ પર કર્યા પ્રહાર

પાટણના ભાજપના ઉમેદવાર ભરતસિંહ ડાભીના સમર્થનમાં રાધનપુર ખાતે જાહેર સભાનું આયોજન કરવામાં આવ્યું હતું જેમાં મોટી સંખ્યામાં કાર્યકરો જોડાયા હતા

ગુજરાતમાં હાલ લોકસભાની ચૂંટણીનો ધમધમાટ ચાલી રહ્યો છે ત્યારે પાટણના રાધનપૂર ખાતે ભાજપ દ્વારા જાહેરસભાનું આયોજન કરવામાં આવ્યું હતું જેમાં ભાજપના આગેવાન અલ્પેશ ઠાકોર વિશેષ ઉપસ્થિત રહ્યા હતા સાથે પાટણ જિલ્લાના ભાજપના પ્રમુખ દશરથજી ઠાકોર અને પુવૅ ધારાસભ્ય નાગરજી ઠાકોર અને જિલ્લા પંચાયતના પ્રમુખ હેતલબેન ઠાકોર અને રાધનપુર વિધાનસભાના ધારાસભ્ય લવિંગજી સોલંકી અને ભારતીય જનતા પાર્ટીના કાર્યકર્તા મોટી સંખ્યામાં ઉપસ્થિત રહ્યા હતા જેમાં અલ્પેશ ઠાકોરે ભાજપના ઉમેદવારને જંગી લીડથી જિતાડવા આહવાહન કર્યુ હતું