વડાપ્રધાન નરેન્દ્ર મોદીએ સરદાર પટેલની પ્રતિમાને પુષ્પાંજલિ અર્પણ કરી હતી.અને ત્યાર બાદ PM મોદીએ કચ્છમાં સરહદ પર ફરજ બજાવતા સૈનિકો સાથે દિવાળીની ઉજવણી કરી હતી. 

વડાપ્રધાન નરેન્દ્ર મોદીએ વડાપ્રધાન બન્યા બાદ પ્રથમવાર ગુજરાતમાં કચ્છની સરહદ પર ફરજ બજાવતા જવાનો સાથે દિવાળીની ઉજવણી કરી રહ્યા છે.તેઓએ આ પ્રસંગે જવાનોને મીઠાઈ ખવડાવીને દિવાળીની શુભેચ્છા પાઠવી હતી.અગાઉ તેઓ મુખ્યમંત્રી હતા ત્યારે પણ તેમણે ગુજરાતના જવાનો સાથે દિવાળીની ઉજવણી કરી હતી. 

વડાપ્રધાન નરેન્દ્ર મોદીએ સોશિયલ મીડિયા પ્લેટફોર્મ X પર દેશવાસીઓને દિવાળીની શુભેચ્છા પાઠવી હતી.તેમણે પોસ્ટ કરી હતી કે, તમામ દેશવાસીઓને દિવાળીની ખૂબ ખૂબ શુભેચ્છાઓ.પ્રકાશના પવિત્ર તહેવાર પર હું દરેકને સ્વસ્થ, સુખી અને સમૃદ્ધ જીવનની શુભેચ્છા પાઠવું છું. માતા લક્ષ્મી અને ભગવાન શ્રી ગણેશના આશીર્વાદ મળે તેવી પોસ્ટ કરીને પ્રાર્થના કરી હતી.