અમરેલી:બાબરા ખાતે તાપડીયા આશ્રમમાં સંતવાણી કાર્યક્રમમાં કલાકારો પર થયો રૂપિયાનો વરસાદ

• બાબરામાં તાપડીયા આશ્રમમાં રામકથાનું આયોજન

• રામકથા દરમિયાન સંતવાણીનું કરાયું આયોજન

• ગોપાલ સાધુ અને ધવલ બારોટે બોલાવી ભજનોની રમઝટ

• ધારાસભ્ય સહિતના આગેવાનોએ કલાકારો પર કર્યો રૂપિયાનો વરસાદ 

• મોટી સંખ્યમાં સંતવાણી કાર્યક્મનો લ્હાવો લેતા શ્રદ્ધાળુઓ 

અમરેલી જિલ્લાના બાબરા ખાતેના તાપડીયા આશ્રમમાં સંતવાણી કાર્યક્રમનું ભવ્ય આયોજન કરવામાં આવ્યું હતું,આ પ્રસંગે ભજન અને લોકગીતોની રમઝટ દરમિયાન કલાકારો પર રૂપિયાનો વરસાદ થયો હતો.

 અમરેલી જિલ્લાના બાબરા ખાતેના તાપડીયા આશ્રમમાં રામકથાના આયોજન દરમિયાન ધાર્મિક કાર્યક્રમોનું આયોજન કરવામાં આવ્યું છે,આ પ્રસંગ નિમિત્તે સંતવાણીના ધર્મભીના કાર્યક્રમનું પણ આયોજન કરવામાં આવ્યું હતું.જેમાં સંતવાણીના કલાકારો ગોપાલ સાધુ અને ધવલ બારોટ દ્વારા ભજન તેમજ લોકગીતોની રમઝટ બોલાવવામાં આવી હતી.

ત્યારે આ અવસરે લાઠી બાબરાના ધારાસભ્ય જનક તળાવીયા,શહેર ભાજપ પ્રમુખ,પાલિકા પ્રમુખ દ્વારા સંતવાણી કલાકારો પર રૂપિયા 10,20 અને 100ની ચલણી નોટો ઉડાડીને જાણે રૂપિયાનો વરસાદ વરસ્યો હોય તેવો માહોલ સર્જી દીધી હતો,અને ઉપસ્થિત જનમેદની પણ સંતવાણીનું રસપાન કરીને તરબોળ બની ગઈ હતી.