અમરેલી : વડીયાની સરકારી આર્ટસ એન્ડ કોમર્સ કોલેજમાં વિદ્યાર્થીઓનો હોબાળો,પ્રોફેસરોના અભાવે વિદ્યાર્થીઓનું ભવિષ્ય અધ્ધરતાલ!

• પ્રોફેસર વિહોણી સરકારી કોલેજમાં હોબાળો

• સરકારી આર્ટસ એન્ડ કોમર્સ કોલેજમાં હોબાળો

• વિદ્યાર્થીઓએ કર્યું કોલેજમાં હલ્લાબોલ

• પ્રોફેસરના અભાવથી શિક્ષણ કાર્ય ગૂંચવાયું

• વિદ્યાર્થીઓનું ભવિષ્ય અધ્ધરતાલ 

અમરેલી જિલ્લાના વડીયા ખાતેની સરકારી આર્ટસ એન્ડ કોમર્સ કોલેજ પ્રોફેસર વિહોણી બની છે,હવે કોલેજમાં આગામી બે મહિનામાં જ પરીક્ષા લેવામાં આવશે ત્યારે નિયમિત પ્રોફેસરો વગર શાળામાં વિદ્યાર્થીઓનું ભવિષ્ય અધ્ધરતાલ હોવાની લાગણી વિદ્યાર્થીઓ વ્યક્ત કરી રહ્યા છે.અને વિદ્યાર્થીઓ દ્વારા કોલેજમાં આ મુદ્દે ભારે હોબાળો કરવામાં આવ્યો હતો.

વિદ્યાર્થીઓએ જણાવ્યું હતું કે 3 પ્રોફેસરોની અમદાવાદથી વડીયા કોલેજમાં બદલીનો ઓર્ડર થયો હતો,પરંતુ આજદિન સુધી એક પણ પ્રોફેસર કોલેજમાં હાજર થયા નથી.જેના કારણે કાયમી પ્રોફેસરની નિમણુંક કરવામાં ન આવતા વિદ્યાર્થીઓમાં રોષ જોવા મળી રહ્યો છે. વધુમાં બાબરા સરકારી કોલેજના પ્રિન્સિપાલ જ ઇન્ચાર્જ પ્રિન્સિપાલ તરીકે વડીયા કોલેજમાં ફરજ બજાવતા હોવાનું પણ જાણવા મળ્યું છે.ત્યારે વિદ્યાર્થીઓના હિતને ધ્યાનમાં રાખીને નિયમિત પ્રોફેસરોની નિમણૂક કરવામાં આવે તેવી માંગ વિદ્યાર્થીઓ કરી રહ્યા છે.