New Update
![સુરેન્દ્રનગર : અમદાવાદ જેલર ગ્રુપ ઝડતી સ્ક્વોડના સરપ્રાઈઝ ચેકિંગ દરમ્યાન સબજેલમાંથી 6 મોબાઇલ ફોન મળ્યા](https://img-cdn.thepublive.com/fit-in/1280x960/filters:format(webp)/connect-gujarat/media/post_banners/8acd6f28d7ec31eb1e07317472cd4c5e5630f3313114bd6827ca4dbc35489034.jpg)
અમદાવાદ જેલર ગ્રુપ ઝડતી સ્ક્વોડ દ્વારા સુરેન્દ્રનગરની સબજેલમાં સરપ્રાઈઝ ચેકિંગ હાથ ધરવામાં આવ્યું હતું, ત્યારે જેલમાંથી પ્રતિબંધિત મોબાઈલ સહિતની ચીજ વસ્તુઓ મળી આવતા ચકચાર મચી છે. જેમાં બેરેક નંબર 1 અને 2ની પાછળના ભાગે આવેલી 2 કુંડીમાંથી કુલ 6 નંગ મોબાઇલ મળી આવ્યા હતા.
જોકે, આ મોબાઇલ અંગે ઝડતી સ્કોડની ટીમે કાચા કામના કેદીઓની પુછપરછ હાથ ધરી હતી. પરંતુ કેદીઓએ આ અંગે કોઇ કબુલાત કરી ન હતી. આથી ચેકિંગમાં આવેલી ટીમે તમામ મોબાઇલ કબજે કરી FSLમાં તપાસ માટે મોકલી આપ્યા હતા.
તો બીજી તરફ, આ મામલે સુરેન્દ્રનગર એ’ ડિવિઝન પોલીસ મથકે ફરિયાદ નોંધી કાયદેસર કાર્યવાહી હાથ ધરવામાં આવી છે.
Latest Stories