સુરેન્દ્રનગર : સ્ટિયરિંગ પરથી કાબુ ગુમાવતાં કાર ખાડીમાં ખાબકી, કારમાં સવાર 2 લોકોના મોત...
કાર રોડની સાઈડમાં નાળામાં ખાબકતા પાણીમાં ડૂબી જવાથી કારમાં સવાર 2 લોકોના ઘટના સ્થળે જ મોત નીપજ્યા
લીંબડી-લખતર હાઇવે પર સર્જાયો અકસ્માત
ઘાઘરેટીયા - શિયાણી માર્ગ વચ્ચેનો બનાવ
કાર ચાલકે સ્ટિયરિંગ પરથી ગુમાવ્યો કાબુ
કાર ખાડીમાં ખાબકતા 2 લોકો પાણીમાં ડૂબ્યા
દુર્ઘટનામાં 2 લોકોના ઘટના સ્થળે મોત થયા
સુરેન્દ્રનગર જિલ્લાના લીંબડી-લખતર હાઇવે પર અકસ્માત સર્જાતા 2 લોકોના ઘટના સ્થળે મોત નિપજ્યાં હતા. મળતી માહિતી અનુસાર, સુરેન્દ્રનગર જિલ્લાના લીંબડી-લખતર હાઇવે પર ઘાઘરેટીયા-શિયાણી ગામ વચ્ચે કાર ચાલકે સ્ટિયરિંગ પરથી અચાનક કાબુ ગુમાવ્યો હતો, આ દરમ્યાન કાર પરનો પણ કાબુ ગુમાવતા અકસ્માત સર્જાયો હતો. જેમાં કાર રોડની સાઈડમાં નાળામાં ખાબકતા પાણીમાં ડૂબી જવાથી કારમાં સવાર 2 લોકોના ઘટના સ્થળે જ મોત નીપજ્યા હતા. બનાવના પગલે ઘટના સ્થળે લોકોના ટોળાં ભેગા થયા હતા. તો બીજી તરફ, બનાવની જાણ થતાં જ પોલીસ કાફલો પણ ઘટના સ્થળે દોડી આવ્યો હતો, ત્યારે હાલ તો અકસ્માતમાં 2 લોકોના મોત અંગે પોલીસે વધુ તપાસ હાથ ધરી છે.