ચૂકંદર કરશે તમારા પેટને અંદર... આ શાકભાજીના જ્યુસ વજન ઘટાડવામાં કરશે મદદ, આજે જ પીવાનું ચાલુ કરી દો....

વધેલા વજનને ઓછું કરવું પડકાર સમાન છે. કારણ કે આ કામ કરવા માટે રાત દિવસ એક કરીને મહેનત કરવી પડે છે. ફક્ત ડાયટિંગ કરવાથી કે એકસરસાઈઝ કરવાથી વજન ઘટતું નથી. તેના માટે ઘણી બધી બાબતોનું ધ્યાન રાખવું પડે છે. ખાસ કરીને જો તમારો આહાર યોગ્ય નહીં હોય તો કેટલી પણ મહેનત કરશો તમારું વજન નહીં ઘટે. જો વજન ઘટાડવું હોય તો દૈનિક આહારમાં નિયમિત કેટલાક જ્યુસનું સેવન કરવાથી ફાયદો થાય છે. આજે તમને એવા શાકભાજી વિષે જણાવીશું જેનું સેવન કરવાથી વજન ઝડપથી ઘટી જશે.

બીટનો રસ:-

· વજન ઘટાડવાની વાત આવે તો બીટનો રસ સૌથી અસરકારક માનવામાં આવે છે. બીટ ફાયબરથી ભરપૂર હોય છે. તેનું સેવન કરવાથી કલાકો સુધી પેટ ભરેલું રહે છે. જેના કારણે કમર અને પેટની ચરબી સૌથી ઝડપથી ઘટવા લાગે છે.

ગાજરનો રસ:-

· વજન ઘટાડવા માટે તમે ગાજરનો જ્યુસ પી શકો છો. આમ તો ગાજર શિયાળામાં મળતી વસ્તુ છે. પરંતુ હવે બારેમાસ તે સરળતાથી મળી રહે છે. ગાજર ફાયબરથી ભરપૂર હોય છે. દિવસની શરૂઆત તમે ગાજરનો જ્યુસ પી ને કરી શકો છો. આનાથી તમને કલાકો સુધી ભૂખ નહીં લાગે અને તમારા શરીરમાં એનર્જી પણ રહેશે. જેના કારણે વજન ઝડપથી ઉતારવા લાગશે.

કારેલાનો રસ:-

· કારેલા એક એવું શાક છે જેને ખાવાથી શરીરને અનેક પ્રકારના ફાયદાઓ થાય છે. પણ તકલીફ એ હોય છે કે કારેલાના કડવા સ્વાદના લીધે મોટા ભાગના લોકો તેને ખાવાનું ટાળે છે. પરંતુ સ્વાસ્થ્યના સિધ્ધાંતો જણાવે છે કે કારેલાનો જ્યુસ પીવાથી મેટાબોલીઝમ બુસ્ટ થાય છે અને શરીર સ્વસ્થ પણ રહે છે. કારેલાથી થતાં ફાયદા મેળવવા માટે જરૂરી નથી કે તમે એક ગ્લાસ કારેલાનું જ્યુસ પીવો રોજ બે ચમચી કરેલાનો રસ પીવાથી પણ શરીરને અનેકગણો ફાયદો થાય છે.