શું તમારા શરીરમાં હિમોગ્લોબિનની કમી છે? તો આ ખાવાનું શરૂ કરી દો, શરીર માટે વરદાનરૂપ છે આ ફૂડ....
શિયાળાની શરૂઆત થઈ ગઇ છે. આ સાથે જ આપણે ઋતુ પ્રમાણે આપણા ખોરાકમાં પણ ફેરફાર કરવો આવશ્યક છે.
શિયાળાની શરૂઆત થઈ ગઇ છે. આ સાથે જ આપણે ઋતુ પ્રમાણે આપણા ખોરાકમાં પણ ફેરફાર કરવો આવશ્યક છે. શિયાળામાં આપણને ગરમ વસ્તુઓની જરૂર હોય છે. આ ઋતુમાં નવા જ ફળ અને શાકભાજી આવે છે. શિયાળાની સિઝન માટે એક શ્રેષ્ઠ ફૂડ છે ખજૂર, જેના એક નહીં પરંતુ અનેક ફાયદાઓ છે. ખજૂરની તાસીર ગરમ હોય છે જેથી જ તેને ઠંડીની ઋતુમાં ખાવામાં આવે છે. દરરોજ ખજૂરનું સેવન કરવાથી શરીરમાં થતી અનેક સમસ્યાથી છુટકારો મેળવી શકાય છે. તો ચાલો જાણીએ ખજૂર ખાવાના ફાયદાઓ....
હાડકાઓ માટે ફાયદાકારક છે ખજૂર
ખજૂર કેલ્સિયમ, મેગ્નેશિયમ, પોટેશિયમ અને ફૉસ્ફરસથી ભરપૂર છે. તેથી જ તે હાડકાઓ માટે ખૂબ જ ફાયદાકારક માનવામાં આવે છે. તેના સેવનથી હાડકાઓ મજબૂત બને છે.
રેડ બ્લડ સેલના ગ્રોથ માટે ફાયદાકારક
કાળી ખજૂર ડ્રાઈ ટી ફાઇબરનો શ્રેષ્ઠ સોર્સ માનવામાં આવે છે. તેના સેવનથી પેટ સંબંધિત સમસ્યાઓ દૂર થાય છે. પેટમાં ગેસ, અપચો, ખરાબ પાચન, અને ઘણી અન્ય સમસ્યાઓ દૂર કરવામાં કારગત માનવામાં આવે છે. આ સિવાય આમાં આયર્ન પણ હોય છે. તેના સેવનથી રેડ બ્લડ સેલ્સમાં વધારો થાય છે અને શરીરમાં લોહીની ઉણપ દૂર થાય છે. જો તમારા શરીરમાં હિમોગ્લોબિનની ઉણપ હોય તો આજથી જ ખજૂર ખાવાનું શરૂ કરી દો.
હાઇ બ્લડ પ્રેશર માટે ફાયદાકારક
જે લોકોને હાઇ બીપીની સમસ્યા છે તેવા લોકો માટે કાળો ખજૂર ખૂબ જ ફાયદાકારક માનવામાં આવે છે. આ બેડ કોલેસ્ટ્રોલ લેવલને કંટ્રોલ કરીને ગુડ કોલેસ્ટ્રોલ લેવલ વધારે છે.
હાર્ટની હેલ્થ માટે ગુણકારી
ખજૂર ખાવાથી હાર્ટની હેલ્ધ સારી રહે છે. હદયની હેલ્ધ માટે કાળા ખજૂરને ફાયદાકારક માનવામાં આવે છે. કાળા ખજૂરનું સેવન કરવાથી હાર્ટ એટેક, હાર્ટ ફેલિયર અને સ્ટ્રોક જેવી સમસ્યાઓનું જોખમ ઘટાડી શકાય છે.