જાણો કોમ્બિનેશન સ્કિન શું છે, અને શિયાળામાં આવી ત્વચાનું કઇ રીતે રાખશો વિશેષ ધ્યાન

કોમ્બિનેશન સ્કિન એક એવી ત્વચા છે જેને શુષ્ક અને તૈલી ત્વચા કરતાં વધુ કાળજીની જરૂર છે. જ્યારે તમારી ત્વચા વધુ શુષ્ક હોય, ત્યારે તમે તમારી સમસ્યા દૂર કરવા માટે નારિયેળ તેલથી માલિશ કરી શકો છો. જ્યારે ત્વચા વધુ તૈલી હોય છે, ત્યારે દહીં અને હળદર તમારા માટે ખૂબ ઉપયોગી થઈ શકે છે. પરંતુ જ્યારે તમારી પાસે કોમ્બિનેશન સ્કિન હોય, ત્યારે તમારી સમસ્યા હલ કરવા માટે એક વસ્તુ પૂરતી નથી.

કોમ્બિનેશન સ્કિન શું છે?

કોમ્બિનેશન સ્કિનનો અર્થ એ છે કે તમારી ત્વચાના કેટલાક ભાગો શુષ્ક છે અને કેટલાક તેલયુક્ત છે. તમે આખા ચહેરા માટે ક્રીમ ધરાવતા મોઇશ્ચરાઇઝરનો ઉપયોગ કરી શકતા નથી, અને ચહેરાને ફ્લેકી બનાવે તેવી કોઈપણ ક્રીમનો ઉપયોગ કરી શકતા નથી. તમારે કંઈક એવું જોઈએ છે જે સંતુલિત હોય, અને તમારી મૂંઝવણનો ઉકેલ કરી શકો. શિયાળાની ઋતુ હાલી રહી છે ત્યારે તમારે પહેલા કરતાં વધુ આ સંતુલનની જરૂર છે. ઉનાળાના મહિનાઓમાં, સનબ્લોક તમારી મોટાભાગની સમસ્યાઓ હલ કરે છે. તમારી ત્વચા ખૂબ શુષ્ક અથવા ખૂબ તૈલી નથી, અને તમે એક કરતાં વધુ ઉત્પાદનનો ઉપયોગ કરી શકતા નથી કારણ કે ત્યારે ખૂબ પરસેવો થાય છે. શિયાળામાં, તમારે પોષણની જરૂર છે, સૂર્યના કિરણોથી રક્ષણ, હાઇડ્રેશન અને શું શું નથી જોતું હોતું.

કોમ્બિનેશન સ્કિન ધરાવતી કોઈપણ વ્યક્તિને પૂછો, તેઓ તમને કહેશે કે જો શિયાળામાં યોગ્ય રીતે કાળજી ન લેવામાં આવે તો તમારી ત્વચા ખરાબ તબક્કામાંથી પસાર થઈ શકે છે. જો તમારી પાસે પણ કોમ્બિનેશન સ્કિન છે, તો જાણી લો કે સવારે, સાંજ અને રાત્રે કેવા પ્રકારની સ્કિન કેર રૂટીન તમારી ત્વચાને સ્વસ્થ રાખી શકે છે. જ્યારે તમે સવારે ઉઠો ત્યારે તમારા ચહેરાને જેલ આધારિત ક્લીંઝરથી ધોઈ લો. ક્રીમ આધારિત ફેસ વૉશનો ઉપયોગ કરશો નહીં, કારણ કે તમારે શુષ્ક અને તૈલી ત્વચા વચ્ચે સંતુલન જાળવવાની જરૂર છે. આ પછી એલોવેરા વાળું ટોનર લગાવો. એલોવેરા પિમ્પલ્સ અને ખીલને રોકવાનું કામ કરે છે, જે તમારી ત્વચાના તૈલી ભાગમાં થઈ શકે છે. તેના પર સનબ્લોક લગાવો. જેલ આધારિત પીલ ઓફ ક્રિમ તમારા માટે રાત્રિ માટે યોગ્ય છે. આ તમારી શુષ્ક અને તૈલી ત્વચાને સંતુલિત કરવામાં મદદ કરશે. તેમજ ડાઘ પણ ઓછા થશે. શિયાળાના મહિનાઓમાં, રાત્રે ઓછામાં ઓછા ઉત્પાદનોનો ઉપયોગ કરો, જેથી ત્વચાને માત્ર પોષણ મળે.