ઓઈલી સ્કિનની આ રીતે કરો કાળજી, નહીં થાય ખીલની સમસ્યા

વધારે ઓઇલી સ્કિન ધરાવતા લોકોને પિમ્પલ્સ તેમજ વ્હાઇટહેડ્સ અને બ્લેકહેડ્સની સમસ્યાનો સામનો કરવો પડે છે.કારણ કે તૈલી ત્વચામાં જોવા મળતી સેબેસીયસ ગ્રંથીઓ સામાન્ય ત્વચા કરતાં વધુ સક્રિય હોય છે. વધુ પડતા તેલના કારણે ત્વચામાં ગંદકી અને ધૂળ જમા થતી રહે છે, જેના કારણે છિદ્રો ભરાઈ જવાની શક્યતા રહે છે, માટે જો તમારી પણ તૈલી ત્વચા હોય તો આ રીતે તેની સંભાળ રાખો.

સનસ્ક્રીન લોસન લગાવો :-

હવામાન ગમે તે હોય, બહાર જતા પહેલા સનસ્ક્રીન લગાવવાનું ભૂલશો નહીં. સનસ્ક્રીન ખીલના બ્રેકઆઉટ્સને રોકવામાં મદદ કરે છે.

કસરત કર્યા પછી તમારી ત્વચાને સાફ કરો :-

વ્યાયામ કર્યા પછી ચહેરો સાફ કરવો એ સ્નાન જેટલું જ જરૂરી છે. તમારા ચહેરાને ધોવાથી પરસેવો તેમજ વ્યાયામ દરમિયાન એકઠી થતી તેલ અને ગંદકી દૂર કરવામાં મદદ મળે છે. તમારા ચહેરાને સામાન્ય ફેસ વોશથી ધોઈ લો અને પછી મોઈશ્ચરાઈઝર લગાવો.

તૈલી ત્વચા સાફ કરો :-

ચહેરા પર દેખાતા વધારાના તેલને દૂર કરવા માટે બ્લોટિંગ પેપરનો ઉપયોગ કરો. આ માટે બ્લોટિંગ પેપરને ચહેરા પર થોડી સેકન્ડ માટે હળવા હાથે દબાવી દો. આ વધારાનું તેલ શોષી લે છે.

તૈલી ત્વચા ધરાવતા લોકોએ ખાસ કરીને સ્કિન-કેર પ્રોડક્ટ્સની ખરીદી કરતી વખતે સાવચેત રહેવું જોઈએ. તમારી ત્વચા સંભાળની નિયમિતતામાં કોઈપણ આલ્કોહોલ આધારિત ઉત્પાદનનો સમાવેશ કરશો નહીં. આ સિવાય કોકો બટર, શિયા બટર અને વેસેલિન જેવા ઉત્પાદનોને પણ ટાળવા જોઈએ.

- સવારે અને સાંજે બંને સમયે ચહેરાને સારી રીતે સાફ કરો.

- એવા ટોનરનો ઉપયોગ કરો જેમાં સેલિસિલિક એસિડ, ગ્લાયકોલિક એસિડ અથવા લેક્ટિક એસિડ હોય.

- હળવા મોઇશ્ચરાઇઝરથી સવારે અને રાત્રે ત્વચાને મોઇશ્ચરાઇઝ કરો.