આકાશમાં સર્જાશે અદ્દભુત ખગોળીય ઘટના,એક સાથે સાત ગ્રહો દેખાશે એક જ હરોળમાં

આકાશમાં તારીખ 28 ફેબ્રુઆરી 2025ના રોજ સાંજે સૌર મંડળના તમામ સાત ગ્રહો રાત્રે એક સાથે દેખાશે.આ એક દુર્લભ અને અદ્દભુત ખગોળીય ઘટના છે.જેને ગ્રેટ પ્લેનેટરી એલાઈનમેન્ટ કહેવાય છે.શનિ, બુધ, નેપચ્યુન, શુક્ર, યુરેનસ, ગુરુ અને મંગળ આ બધા ગ્રહો એક સીધી રેખામાં એકસાથે દેખાશે.

આ કાર્યક્રમ ખગોળશાસ્ત્રના વૈજ્ઞાનિકો અને સામાન્ય લોકો માટે એક અદ્દભુત તક હશે.આ ઘટના એટલા માટે પણ ખાસ છે કારણ કે આટલા બધા ગ્રહો એક સાથે જોવા મળે તે ખૂબ જ દુર્લભ છે. સામાન્ય રીતે કેટલાક ગ્રહો એક જ સમયે સૂર્યની એક જ બાજુ પર હોય છે, પરંતુ બધા ગ્રહો એક જ રેખામાં હોય તે ખૂબ જ દુર્લભ છે.

આ સાત ગ્રહો પુસ્તકોમાં શીખવવામાં આવે છે તેમ સીધી રેખામાં જોવા મળશે. જ્યારે સામાન્ય રીતે આવું થતું નથી. આ બધા ગ્રહો સૂર્યની આસપાસ જુદા જુદા વર્તુળમાં ફરે છે. ગ્રહોની ભ્રમણકક્ષા અલગ હોવાથી, તેઓ એક સીધી રેખામાં દેખાતા નથી.