AAP સાંસદ રાઘવ ચઢ્ઢા રાજ્યસભામાંથી સસ્પેન્ડ, વિશેષાધિકાર સમિતિના રિપોર્ટ સુધી સસ્પેન્શન ચાલુ રહેશે

AAP સાંસદ રાઘવ ચઢ્ઢાને રાજ્યસભામાંથી સસ્પેન્ડ કરવામાં આવ્યા છે. રાઘવ ચઢ્ઢા વિશેષાધિકાર સમિતિનો રિપોર્ટ આવે ત્યાં સુધી રાજ્યસભામાંથી સસ્પેન્ડ રહેશે. દિલ્હી સેવા બિલને લઈને પાંચ સાંસદોની નકલી સહીઓના મામલામાં AAP સાંસદ વિરુદ્ધ આ કાર્યવાહી કરવામાં આવી છે. રાઘવ ચઢ્ઢા પર આરોપ છે કે તેમણે તેમની મંજૂરી વિના સાંસદોની બનેલી સમિતિની રચનાનો પ્રસ્તાવ મૂક્યો હતો, જે નિયમોનું ઉલ્લંઘન છે. હવે વિશેષાધિકાર સમિતિ આ મામલે તપાસ કરશે. રાઘવ ચઢ્ઢા વિશેષાધિકાર સમિતિનો રિપોર્ટ ન આવે ત્યાં સુધી રાજ્યસભામાંથી સસ્પેન્ડ રહેશે.

Advertisment

રાઘવ ચઢ્ઢાએ તેમના પર લાગેલા આરોપોને ફગાવી દીધા છે અને કહ્યું છે કે તેમની વિરુદ્ધ ખોટો પ્રચાર કરવામાં આવી રહ્યો છે. ભાજપને પડકાર આપતા રાઘવ ચઢ્ઢાએ માંગ કરી હતી કે તેમની કથિત નકલી સહીવાળા દસ્તાવેજો જાહેર કરવામાં આવે. AAP સાંસદે આરોપ લગાવ્યો કે ભાજપ તેમનો અવાજ દબાવવાનો પ્રયાસ કરી રહી છે.