બારામુલ્લામાં સુરક્ષા દળો સાથે એન્કાઉન્ટરમાં વધુ એક આતંકવાદી ઠાર, સર્ચ ઓપરેશન ચાલુ....

દક્ષિણ કાશ્મીરના અનંતનાગના કોકરનાગ વિસ્તારમાં સેના દ્વારા સર્ચ ઓપરેશન બાદ આજે બારામુલ્લા જિલ્લાના ઉરી, હાથલંગા વિસ્તારમાં આતંકવાદીઓ અને સેના તેમજ બારામુલા પોલીસ વચ્ચે એન્કાઉન્ટર શરૂ થયું છે. આ એન્કાઉન્ટરમાં બે આતંકી ઠાર કર્યા છે. જમ્મુ-કાશ્મીર પોલીસે આ જાણકારી આપી છે. આજે સવારે જમ્મુ-કાશ્મીરના બારામુલ્લા જિલ્લામાં સુરક્ષાદળો સાથેના એનકાન્ટરમાં એક આતંકવાદી ઠાર થયો હતો, ત્યારે હવે મળતા સમાચાર મુજબ વધુ એક આતંકવાદીને ઠાર કરવામાં આવ્યો છે. ભારતીય સેના અને જમ્મુ-કાશ્મીરની સંયુક્ત ટીમ આ વિસ્તારમાં સર્ચ ઓપરેશન હાથ ધર્યું હતું. સુરક્ષા દળોએ આજે સવારથી જ આ એન્કાઉન્ટર શરૂ કર્યું હતું જેમાં એક આતંકવાદીને ઠાર કર્યો હતો જ્યારે બીજાની શોઘખોળ ચાલુ હતી. હવે આ એન્કાઉન્ટરમાં વધુ એક આતંકવાદીને ઠાર કરવામાં આવ્યો છે.