જ્ઞાનવાપી કેસ: વ્યાસજીના ભોંયરામાં પૂજા-પાઠ શરૂ રહેશે,ઇલાહાબાદ હાઇકોર્ટનો મુસ્લિમ પક્ષને ઝટકો

વારાણસીના જ્ઞાનવાપી મસ્જિદના તાહખાના (વ્યાસ ભોંટરાં)માં હિન્દુઓની પૂજા ચાલુ રહેશે. અલાહાબાદ હાઈકોર્ટે આ નિર્ણય આજે 26 ફેબ્રુઆરીએ આપ્યો હતો. આ પહેલાં વારાણસી ડિસ્ટ્રિક્ટ કોર્ટે હિન્દુઓને વ્યાસ ભોંયરામાં પૂજા કરવાનો અધિકાર આપ્યો હતો. આ પછી, 31 જાન્યુઆરીની રાત્રે ભોંયરામાં પૂજા શરૂ થઈ.મુસ્લિમ પક્ષ એટલે કે અંજુમન ઈન્તેઝામિયા મસ્જિદ કમિટિએ વ્યાસ ભોંયરામાં પૂજા પર પ્રતિબંધ મૂકવા માટે અરજી દાખલ કરી હતી. મુસ્લિમ પક્ષે હાઈકોર્ટમાં દલીલ કરી હતી કે ભોંયરું લાંબા સમયથી તેમના અધિકારક્ષેત્રમાં છે. આ જ્ઞાનવાપી મસ્જિદનો એક ભાગ છે અને ડીએમ સહિત વહીવટીતંત્રે ઉતાવળમાં પૂજા શરૂ કરી હતી જ્યારે તેના માટે સમય હતો. ભોંયરામાં પૂજા તરત જ બંધ કરી દેવી જોઈએ. જસ્ટિસ રોહિત રંજન અગ્રવાલે હિન્દુ અને મુસ્લિમ પક્ષકારોની દલીલો સાંભળ્યા બાદ 15 ફેબ્રુઆરીએ વ્યાસ તાહખાનામાં પૂજા અંગે નિર્ણય અનામત રાખ્યો હતો.વારાણસી કોર્ટે 31 જાન્યુઆરીની રાત્રે વ્યાસ પરિવારને જ્ઞાનવાપીના વ્યાસ ભોંયરામાં પૂજા કરવાનો અધિકાર આપ્યો હતો. મુસ્લિમ પક્ષે સુપ્રીમ કોર્ટમાં વિશેષ અરજી દાખલ કરીને પૂજા પર પ્રતિબંધ મૂકવાની માંગ કરી હતી. જો કે, સુપ્રીમ કોર્ટે તાત્કાલિક સુનાવણીનો ઇનકાર કર્યો હતો અને મુસ્લિમ પક્ષને સૌપ્રથમ હાઈકોર્ટનો સંપર્ક કરવા સૂચન કર્યું હતું.