દિલ્હી મ્યુનિસિપલ કોર્પોરેશન (MCD)માં ભાજપ પાસેથી સત્તા છીનવાય,આપને મળી 134 બેઠક

AAPએ દિલ્હી મ્યુનિસિપલ કોર્પોરેશન (MCD) ભાજપ પાસેથી છીનવી લીધું છે.ભાજપ 15 વર્ષથી MCDમાં સત્તામાં હતો. આમ આદમી પાર્ટીએ બહુમતી મેળવી છે.ચૂંટણીપંચના જણાવ્યા અનુસાર, 250 સીટમાં AAPને 134 જીતી છે, જે બહુમત કરતા 8 વધું છે. જ્યારે ભાજપે 104 સીટ જીતી છે, કોંગ્રેસે 9 અને 3 સીટ પર અપક્ષના ઉમેદવારે જીત મેળવી છે.CM અરવિંદ કેજરીવાલે MCDમાં AAPની જીત પર દિલ્હીના લોકોને અભિનંદન પાઠવ્યા હતા. પાર્ટી કાર્યાલય ખાતે કાર્યકરોને સંબોધતા તેમણે કહ્યું- દિલ્હીની જનતાએ દિલ્હીની સફાઈ અને ભ્રષ્ટાચાર ખતમ કરવાની જવાબદારી તેમના પુત્ર અને ભાઈને આપી છે. અમને કેન્દ્ર સરકારના સહકારની પણ જરૂર છે. વડાપ્રધાનના આશીર્વાદની પણ જરૂર છે. મનીષ સિસોદિયાના વિધાનસભા ક્ષેત્રમાં 4 બેઠક છે. ભાજપે 3 જીતી છે. પાર્ટીના ખાતામાં માત્ર એક સીટ ગઈ. બીજી તરફ જેલમાં બંધ સત્યેન્દ્ર જૈનના વિધાનસભા ક્ષેત્રમાં 3 વોર્ડ છે. ત્રણેય બેઠક પર પાર્ટી ભાજપ સામે હારી ગઈ હતી. આ તરફ અરવિંદ કેજરીવાલના વોર્ડ નંબર 74 ચાંદની ચોકથી પાર્ટીના ઉમેદવાર પુનર્દીપ સિંહે ભાજપ અને કોંગ્રેસના ઉમેદવારોને હરાવ્યા હતા, જ્યારે AAPના ધારાસભ્ય અનાનતુલ્લાના વોર્ડ નંબર 189 ઝાકિર નગરમાંથી કોંગ્રેસે જીત મેળવી છે.