કેદારનાથની હેલિકોપ્ટર સેવા 5 દિવસ માટે બંધ કરાઇ, G20ના મહેમાનોને લેવા તમામ હેલિકોપ્ટર પહોચ્યા દિલ્હી...

દિલ્હીમાં G-20 કોન્ફરન્સ માટે મહેમાનોના આગમનની પ્રક્રિયા શરૂ થઈ ગઈ છે. તેને જોતા કેદારનાથ ધામની હેલિકોપ્ટર સેવા બંધ કરી દેવામાં આવી છે અને જી-20 કોન્ફરન્સ માટે તમામ હેલિકોપ્ટરને દિલ્હી બોલાવવામાં આવ્યા છે. હાલમાં કેદારનાથ ધામમાં 8 હેલિકોપ્ટર કંપનીઓ તેમની સેવાઓ પૂરી પાડી રહી છે. હવે તેમની હેલી સર્વિસ G-20 માટે બુક કરવામાં આવી છે. દેશની રાજધાની દિલ્હી G20 સમિટ 2023 માટે સંપૂર્ણ રીતે તૈયાર છે. ભારત 9 અને 10 સપ્ટેમ્બરે આ કોન્ફરન્સનું આયોજન કરશે, જેની તૈયારીઓ લગભગ પૂર્ણ થઈ ગઈ છે. દિલ્હીમાં કડક સુરક્ષા વ્યવસ્થા કરવામાં આવી છે. જો કે આ બધાની અસર ઉત્તરાખંડના કેદારનાથ ધામમાં પણ જોવા મળી રહી છે. અહીં શ્રદ્ધાળુઓને આપવામાં આવતી હેલિકોપ્ટર સેવા 7 થી 11 સપ્ટેમ્બર સુધી સંપૂર્ણપણે બંધ કરી દેવામાં આવી છે. ઉત્તરાખંડના ગઢવાલ રેન્જના આઈજી કે.એસ. નાગન્યાલે જણાવ્યું કે જે મુસાફરોએ 7 થી 11 સપ્ટેમ્બર સુધી હેલિકોપ્ટર સેવા બુક કરાવી હતી, તેઓ 11મી પછી જ હેલિકોપ્ટરથી કેદારનાથ ધામ સુધી જઈ શકશે. તેમણે કહ્યું કે G20 કાર્યક્રમને સફળ બનાવવા માટે આવો નિર્ણય લેવામાં આવ્યો છે. સંમેલન સમાપ્ત થયા પછી, ભક્તો માટે ફરીથી હેલિકોપ્ટર સેવા શરૂ થશે.