રક્ષાબંધન પર મોદી સરકારે આપી મોટી ભેટ, તમામ ગ્રાહકો માટે LPG સિલિન્ડર ભાવમાં કર્યો ઘટાડો
ઓનમ અને રક્ષાબંધનના અવસર પર મોદી સરકારે મોટી ભેટ આપી છે. મંગળવારે કેબિનેટની બેઠક બાદ કેન્દ્રીય મંત્રી અનુરાગ ઠાકુરે જણાવ્યું કે તમામ ગ્રાહકો માટે ગેસ સિલિન્ડરની કિંમતમાં 200 રૂપિયાનો ઘટાડો કરવામાં આવશે.
તેમણે કહ્યું, "ઓનમ અને રક્ષાબંધનના અવસર પર સિલિન્ડરની કિંમતમાં 200 રૂપિયાનો ઘટાડો કરવાનો નિર્ણય લેવામાં આવ્યો છે. આ બધા લોકો માટે છે. બહેનો માટે આ એક મોટી ભેટ છે. અનુરાગ ઠાકુરે કહ્યું કે પીએમ મોદીએ લાખો બહેનો માટે ભેટ આપી છે. 75 લાખ બહેનોને ઉજ્જવલા ગેસ યોજના હેઠળ મફત ગેસ કનેક્શન મળશે. એક પણ રૂપિયો ચૂકવવો પડશે નહીં. પાઇપ, સ્ટવ અને સિલિન્ડર વિનામૂલ્યે મળશે. સમગ્ર વિશ્વમાં ગેસના ભાવ વધ્યા છે, પરંતુ ભારતમાં તેની અસર ઓછી છે.
ઉજ્જવલા યોજના હેઠળ પહેલાથી જ 200ની સબસિડી હતી, જ્યારે આજથી 200 લોકોને અલગ સબસિડીનો લાભ મળશે. એટલે કે હવે ઉજ્જવલા સ્કીમ હેઠળ આવનારને 400 રૂપિયાની સબસિડી મળશે. 33 કરોડ લોકો પાસે ગેસ સિલિન્ડર કનેક્શન છે. સાથે જ 75 લાખ નવા કનેક્શન આપવામાં આવશે. તેના પર 7680 કરોડનો ખર્ચ થશે.
