મુંબઈ : ટોલ બૂથ પર બેકાબુ ગાડીએ અનેક વાહનોને મારી ટક્કર, અકસ્માતમાં 3ના મોત, 9 ધાયલ.....

સી લિંક પર ટોલ પ્લાઝાથી માત્ર 100 મીટર પહેલા આ અકસ્માતની ઘટના બની હતી. પોલીસે કહ્યું હતું કે રાત્રે બાંદ્રા તરફ જઈ રહેલી એક હાઈસ્પીડ કાર અનેક વાહનો સાથે અથડાઈ હતી.

New Update
મુંબઈ : ટોલ બૂથ પર બેકાબુ ગાડીએ અનેક વાહનોને મારી ટક્કર, અકસ્માતમાં 3ના મોત, 9 ધાયલ.....

મુંબઈમાં બાંદ્રા-વરલી લિંક રોડ પર ગઈકાલે એક ભયાનક અકસ્માત સર્જાયો હતો, જેમાં એક પુરપાટ ઝડપે આવી રહેલી કારે ટોલ પ્લાઝા પાસે પાર્ક કરેલા 6 વાહનોને ટક્કર મારી હતી. આ અકસ્માત એટલો ગંભીર હતો કે વાહનોનો બુકડો બોલી ગયો હતો. સુત્રોમાંથી મળતી માહિતી મુજબ આ અકસ્માતમાં ત્રણ લોકોના મોત થયા છે જ્યારે 6 લોકો ઘાયલ થયા છે જેને નજીકની હોસ્પિટલમાં ખસેડવામાં આવ્યા છે.

Advertisment

પોલીસ દ્વારા આપવામાં આવેલી પ્રાથમીક માહિતી અનુસાર ગઈકાલે રાત્રે 10.00 વાગ્યે સી લિંક પર ટોલ પ્લાઝાથી માત્ર 100 મીટર પહેલા આ અકસ્માતની ઘટના બની હતી. પોલીસે કહ્યું હતું કે રાત્રે બાંદ્રા તરફ જઈ રહેલી એક હાઈસ્પીડ કાર અનેક વાહનો સાથે અથડાઈ હતી. ડીસીપીએ જણાવ્યું કે ઘાયલોમાંથી ચારની હાલત સ્થિર છે અને અન્ય બેની હાલત ગંભીર છે. ગંભીર રીતે ઘવાયેલા પૈકી એકની લીલાવતી હોસ્પિટલમાં સારવાર ચાલી રહી છે અને અન્ય પાંચ ભાભા હોસ્પિટલમાં દાખલ છે. પોલીસે જણાવ્યું કે ઈજાગ્રસ્તોમાં કારનો ડ્રાઈવર પણ સામેલ છે.

Advertisment
Read the Next Article

IRCTC એ રેલ મુસાફરોની સુવિધા માટે નવી SwaRail એપ કરી લોન્ચ

IRCTC (ઇન્ડિયન રેલવે કેટરિંગ એન્ડ ટુરિઝમ કોર્પોરેશન) એ રેલ મુસાફરોની સુવિધા માટે નવી SwaRail   એપ લોન્ચ કરી છે. જોકે, આ મોબાઇલ એપ હાલમાં એન્ડ્રોઇડ પર ટેસ્ટિંગ મોડમાં છે

New Update
irtcirtc 11

IRCTC (ઇન્ડિયન રેલવે કેટરિંગ એન્ડ ટુરિઝમ કોર્પોરેશન) એ રેલ મુસાફરોની સુવિધા માટે નવી SwaRail   એપ લોન્ચ કરી છે.

Advertisment

જોકે, આ મોબાઇલ એપ હાલમાં એન્ડ્રોઇડ પર ટેસ્ટિંગ મોડમાં છે અને ટૂંક સમયમાં બધા મોબાઇલ વપરાશકર્તાઓ માટે ઉપલબ્ધ થશે. આ એપ દ્વારા રેલવે મુસાફરો માત્ર રિઝર્વ ટિકિટ જ નહીં પરંતુ અનરિઝર્વ ટિકિટ તેમજ પ્લેટફોર્મ ટિકિટ પણ બુક કરાવી શકશે. તમને જણાવી દઈએ કે હાલમાં રેલવે મુસાફરોને રિઝર્વે  અને અનરિઝર્વ્ડ  ટિકિટ બુક કરવા માટે અલગ અલગ મોબાઈલ એપ્લિકેશનનો ઉપયોગ કરવો પડે છે. હાલમાં, અનરિઝર્વ્ડ ટિકિટ ફક્ત UTS એપ પર જ બુક કરાવી શકાય છે.

SwaRail  એપ પર  મુસાફરોને ફક્ત તેમની ટ્રેન જ નહીં પરંતુ તેમની સમગ્ર મુસાફરીને લગતી તમામ સુવિધાઓ સરળતાથી મળશે. SwaRail  એપ પર, તમે રૂટ પર દોડતી બધી ટ્રેનો, તેમના રૂટ, સમય અને સ્ટોપેજ વિશે માહિતી મેળવી શકો છો. આ મોબાઇલ એપ પર, તમે PNR સ્ટેટસ, કોચ પોઝિશન, રનિંગ સ્ટેટસ (લાઈવ ટ્રેન ટ્રેકિંગ) ચેક કરી શકો છો અને ઓનલાઈન ફૂડ ઓર્ડર કરી શકો છો. રિફંડ માટે ફાઇલિંગ એપ પર પણ કરી શકાય છે. આ ઉપરાંત, તમે આ એપ પર તમારા પ્રવાસના અનુભવો પણ પ્રતિસાદ તરીકે શેર કરી શકો છો.

SwaRail  એપની સૌથી ખાસ વાત એ છે કે તમે તેના દ્વારા રેલ હેલ્પ સુવિધાનો પણ ઉપયોગ કરી શકો છો. રેલ મદદ એ ટ્રેન મુસાફરો માટે ખૂબ જ જરૂરી પ્લેટફોર્મ છે જ્યાં તમે તમારી ટ્રેન મુસાફરી સંબંધિત કોઈપણ પ્રકારની અસુવિધા માટે ફરિયાદ નોંધાવી શકો છો. આ ઉપરાંત, આના દ્વારા તમે તાત્કાલિક સુરક્ષા અને તબીબી સહાય માટે સીધા રેલ્વેનો સંપર્ક કરી શકો છો. આ એપ હજુ સુધી iPhone વપરાશકર્તાઓ માટે ઉપલબ્ધ નથી. જોકે, આ એપ બધા માટે ઉપલબ્ધ થવામાં હજુ થોડો સમય લાગશે.  

Advertisment
Latest Stories