તેલંગાણામાં OBC અનામત મર્યાદા 23%થી વધારીને 42% કરવામાં આવી

તેલંગાણામાં, OBC (અન્ય પછાત વર્ગો) અનામત મર્યાદા 23%થી વધારીને 42% કરવામાં આવી છે. સીએમ રેવંત રેડ્ડીએ આ જાહેરાત કરી છે.આનાથી તેલંગાણાની અનામત મર્યાદા 62% સુધી વધી જશે. આ સુપ્રીમ કોર્ટ દ્વારા નક્કી કરાયેલ 50% અનામત મર્યાદાનું ઉલ્લંઘન કરશે.તમને જણાવી દઈએ કે 2023ની વિધાનસભા ચૂંટણી પહેલા કોંગ્રેસે OBC ક્વોટા 23થી વધારીને 42% કરવાનું વચન આપ્યું હતું.

તેલંગાણામાં પછાત વર્ગો વસતિના 46.25% છે. અનુસૂચિત જાતિ 17.43% અને અનુસૂચિત જનજાતિ 10.45% છે.2023ની તેલંગાણા વિધાનસભા ચૂંટણી પહેલા, તત્કાલીન તેલંગાણા કોંગ્રેસના પ્રમુખ રેવંત રેડ્ડીએ કામરેડ્ડી મેનિફેસ્ટો પર હસ્તાક્ષર કર્યા હતા. ત્યારે તેમણે કહ્યું હતું કે જો રાજ્યમાં કોંગ્રેસની સરકાર બને છે, તો છ મહિનાની અંદર જાતિ સર્વેક્ષણના આધારે સ્થાનિક સંસ્થાઓમાં OBC માટે હાલના 23% અનામતને વધારીને 42% કરવામાં આવશે.