PM મોદી આજે ચાર રાજ્યના પ્રવાસની શરૂઆત કોંગ્રેસ શાસિત છત્તીસગઢથી કરશે

પીએમ નરેન્દ્ર મોદી તેમના ચાર રાજ્યોના પ્રવાસની શરૂઆત છત્તીસગઢની રાજધાની રાયપુરથી કરશે. સવારે 10.45 વાગ્યે રાયપુર પહોંચશે જ્યાં તેઓ સાયન્સ કોલેજમાં જનસભાને સંબોધિત કરવાના છે. પીએમની બેઠકનું નામ વિજય સંકલ્પ જનસભા રાખવામાં આવ્યું છે. આ દરમિયાન પીએમ લગભગ 7600 કરોડ રૂપિયાના પ્રોજેક્ટનું ઉદ્ઘાટન અને શિલાન્યાસ કરશે.

બીજી વખત દેશના પીએમ બન્યા બાદ વડાપ્રધાન મોદીની કોંગ્રેસ શાસિત રાજ્ય છત્તીસગઢની આ પ્રથમ મુલાકાત છે. આ વર્ષના અંતમાં છત્તીસગઢમાં વિધાનસભાની ચૂંટણી યોજાવાની છે. 15 વર્ષ સુધી સત્તામાં રહ્યા બાદ 2018ની વિધાનસભા ચૂંટણીમાં છત્તીસગઢમાં ભાજપને સત્તામાંથી બહાર ફેંકી દેવામાં આવી હતી, ત્યારબાદ અહીં કોંગ્રેસની સરકાર બની હતી.

વડાપ્રધાન મોદી રાયપુરમાં લગભગ 2 કલાક રોકાશે, ત્યારબાદ તેઓ રાયપુરથી ઉત્તર પ્રદેશના ગોરખપુર માટે 12.40 વાગ્યે રવાના થશે. પીએમ વારાણસી અને ગોરખપુરમાં કાર્યક્રમો કરીને લોકસભા ચૂંટણીની લડાઈ શરૂ કરવા જઈ રહ્યા છે. પૂર્વાંચલ ફરી એકવાર ભાજપની રણનીતિના કેન્દ્રમાં છે, જેના માટે ભાજપે તમામ પ્રયાસો કર્યા છે.PM 2024ની લડાઈ જીતવા માટે આજે ગોરખપુર અને વારાણસીની મુલાકાતે જવાના છે.