લદાખને પૂર્ણ રાજ્યનો દરજ્જો આપવાની માંગ સાથે સોનમ વાંગચુક 15 દિવસથી ભૂખ હડતાળ, ભાજપ કાર્યાલયને આગચંપી

કેન્દ્ર શાસિત પ્રદેશ લદાખમાં વિદ્યાર્થીઓ અને પોલીસ વચ્ચે બુધવારે અથડામણ સર્જાઈ હતી. લદાખને પૂર્ણ રાજ્યનો દરજ્જો આપવા અને બંધારણની છઠ્ઠી અનુસૂચિમાં સામેલ કરવાની માંગ સાથે પર્યાવરણવિદ સોનમ વાંગચુક ભૂખ હડતાળ કરી રહ્યા છે.

કેન્દ્ર શાસિત પ્રદેશ લદાખને પૂર્ણ રાજ્યનો દરજ્જો આપવાની માંગ સાથે પર્યાવરણવિદ સોનમ વાંગચુક છેલ્લા 15 દિવસથી ભૂખ હડતાળ આંદોલન કરી રહયા છે.અને તેમના સમર્થનમાં મોટી સંખ્યામાં વિદ્યાર્થીઓ માર્ગો પર ઊતરી આવ્યા હતા. આ દરમિયાન દેખાવકારોએ ભાજપના કાર્યાલયને પણ આગચંપી કરી હતી. આ દરમિયાન દેખાવકારોની પોલીસ સાથે પણ અથડામણ થઈ હતી.

પોલીસ પર પથ્થરમારો કરી દેવામાં આવ્યો હતો. એટલું જ નહીં, સીઆરપીએફ ના વાહનને પણ આગચંપી કરાઈ હતી.અને અન્ય જાહેર સંપત્તિઓને પણ ફૂંકી મારી હતી. પોલીસ એક તરફ ભીડને વેરવિખેર કરવા માટે ટીયરગેસનો મારો ચલાવી રહી છે,ત્યારે લાઠીચાર્જની પણ નોબત આવી હતી. જોકે દેખાવકારોએ પણ સામે પોલીસ પર પથ્થરમારો કરીને મુશ્કેલી વધારી હતી.જોકે હાલ સ્થિતિ કાબૂમાં લેવાઈ હોવાના દાવા કરાઈ રહ્યા છે.