![ટાટા ગ્રુપે ભારતીય સેનાની મદદ માટે બનાવ્યો સેટેલાઇટ, એલન મસ્કની કંપની સ્પેસએક્સના રોકેટથી કરવામાં લૉન્ચ](https://img-cdn.thepublive.com/fit-in/640x430/filters:format(webp)/connect-gujarat/media/post_banners/9419192d2906f606e38137c6c8c992c832f6884c7619180e7f92a0dcae0031db.webp)
ટાટા ગ્રુપે ભારતીય સેનાની મદદ માટે એક સેટેલાઇટ બનાવ્યો છે. આ ભારતનો પહેલો મિલિટ્રી ગ્રેડ સ્પાય સેટેલાઇટ છે, જેને ખાનગી ક્ષેત્રે તૈયાર કર્યો છે. તે ટૂંક સમયમાં લૉન્ચ થવા જઈ રહી છે. આ સેટેલાઈટ એલન મસ્કની કંપની સ્પેસએક્સના રોકેટથી લૉન્ચ કરવામાં આવશે.
ETના અહેવાલ મુજબ, આ ઉપગ્રહને ટાટા ગ્રૂપની કંપની ટાટા એડવાન્સ્ડ સિસ્ટમ્સ લિમિટેડ (TASL) દ્વારા વિકસાવવામાં આવ્યો છે. તે ગયા અઠવાડિયે સંપૂર્ણ રીતે તૈયાર થઈ ગયું હતું. હવે આ સેટેલાઇટ માટે ગ્રાઉન્ડ સ્ટેશન બનાવવાનું કામ પણ પૂર્ણ થવાનું છે. સ્પાય સેટેલાઇટને ગ્રાઉન્ડ સ્ટેશનથી જ નિયંત્રિત કરવામાં આવશે અને સબ-મીટર રિઝોલ્યૂશનની પ્રક્રિયા કરવામાં આવશે.
આ સેટેલાઇટ એપ્રિલમાં સ્પેસએક્સના રૉકેટ દ્વારા લૉન્ચ કરવામાં આવશે. તેના માટે સેટેલાઇટ ફ્લૉરિડા મોકલવામાં આવી રહ્યો છે. ટાટા એડવાન્સ્ડ સિસ્ટમ્સ લિમિટેડે લેટિન અમેરિકન કંપની સેટેલોજિક સાથે ભાગીદારીમાં આ ઉપગ્રહ વિકસાવ્યો છે. આ સેટેલાઈટ 0.5 મીટર સુધીના રિઝોલ્યૂશનમાં તસવીરો લઈ શકે છે. તેનાથી સેનાને સરહદ પર નજર રાખવામાં અને વ્યૂહાત્મક લક્ષ્યો નક્કી કરવામાં મદદ મળશે.