કેન્દ્રીય ગૃહમંત્રી અમિત શાહનો હુંકાર, કહ્યું 2026માં પશ્ચિમ બંગાળમાં સરકાર બનાવીશું !

કેન્દ્રીય ગૃહમંત્રી અમિત શાહે કહ્યું કે, આજે બંગાળમાં રવીન્દ્ર સંગીતને બદલે બોમ્બના અવાજો સંભળાઈ રહ્યા છે. રાજ્ય સરકાર બંગાળમાં ઘૂસણખોરી કરી રહી છે.ગાય અને કોલસાની દાણચોરી રોકવા માટે પશ્ચિમ બંગાળમાં ભાજપના એક કરોડ સભ્યો બનાવવા પડશે. ભાજપ 2026માં પશ્ચિમ બંગાળમાં બે તૃતિયાંશ બહુમતી સાથે સરકાર બનાવશે.

બંગાળમાં જ્યારે લોકો ભારતીય જનતા પાર્ટીમાં જોડાશે ત્યારે તેઓ પણ બંગાળને સામ્યવાદીઓ અને મમતા દીદીના આતંકથી મુક્ત કરવાના સંકલ્પનો એક ભાગ બનશે.શાહે રવિવારે કોલકાતામાં બીજેપીના સદસ્યતા અભિયાનની શરૂઆત કરી હતી. કાર્યક્રમમાં સુવેન્દુ અધિકારી અને મિથુન ચક્રવર્તી પણ હાજર હતા.શાહે કહ્યું કે બંગાળમાં માતાઓ અને બહેનોની ગરિમાનું હનન થઈ રહ્યું છે. સંદેશખાલીમાં મહિલાઓ પર હુમલા અને આરજી કર હોસ્પિટલમાં ડોક્ટરની બળાત્કાર અને હત્યાની ઘટનાઓ તેનો પુરાવો છે.