જામનગર : કોરોના દર્દીઓની સારવાર માટે BAPS શ્રી સ્વામિનારાયણ મંદિર દ્વારા ઓક્સિજન કોન્સન્ટ્રેટર મશીન અર્પણ કરાયા

જામનગર ખાતે BAPS શ્રી સ્વામિનારાયણ મંદિર દ્વારા શહેરની વિવિધ હોસ્પિટલમાં ઓક્સિજન કોન્સન્ટ્રેટર અર્પણ કરવાં આવ્યા હતા.

જામનગરના BAPS શ્રી સ્વામિનારાયણ પબ્લિક ચેરિટેબલ ટ્રસ્ટના સૌજન્યથી કોરોના દર્દીઓની સારવાર માટે શહેરની આદર્શ હોસ્પિટલ તેમજ શ્રી કેશવજી અરજન લેઉવા પટેલ સમાજ કોવિડ કેર સેન્ટરમાં ઓક્સિજન કોન્સન્ટ્રેટર મશીન અર્પણ કરવામાં આવ્યા હતા.

આ સેવા કાર્યમાં BAPS શ્રી સ્વામિનારાયણ મંદિરના કોઠારી સંત પૂજ્ય ધર્મનિધિદાસ સ્વામી તેમજ પૂજ્ય સંતોના શુભહસ્તે પૂજન કરાયેલ ઓક્સિજન કોન્સન્ટ્રેટર વિવિધ હોસ્પિટલ અને કોવિડ કેર સેન્ટરમાં જઈ ટ્રસ્ટીઓ અને મુખ્ય તબીબોની ઉપસ્થિતિમાં BAPSના સ્વયંસેવકો દ્વારા અર્પણ કરવામાં આવ્યા હતા.