IPL 2022 : 36 વર્ષની ઉંમરે ચિત્તા જેવી ઝડપ, અંબાતી રાયડુએ હવામાં છલાંગ લગાવી પકડ્યો કેચ
ઈન્ડિયન પ્રીમિયર લીગ 2022 સીઝનમાં મંગળવારે એક મોટી મેચ રમાઈ હતી. આમાં ચેન્નાઈ સુપર કિંગ્સ અને રોયલ ચેલેન્જર્સ બેંગ્લોરની ટીમો સામસામે આવી હતી.
ઈન્ડિયન પ્રીમિયર લીગ (IPL) 2022 સીઝનમાં મંગળવારે એક મોટી મેચ રમાઈ હતી. આમાં ચેન્નાઈ સુપર કિંગ્સ (CSK) અને રોયલ ચેલેન્જર્સ બેંગ્લોર (RCB)ની ટીમો સામસામે આવી હતી. જેમાં CSKનો વિજય થયો હતો. આ મેચમાં ચેન્નાઈ ટીમના મિડલ ઓર્ડર બેટ્સમેન અંબાતી રાયડુએ પોતાની ફિલ્ડિંગથી ચાહકોના દિલ જીતી લીધા હતા. 36 વર્ષીય રાયડુએ ફિલ્ડિંગ દરમિયાન સુપરમેન સ્ટાઈલમાં કેચ લઈને ચપળતાનો કરિશ્મા દેખાડ્યો. આ જોઈને ચાહકો પણ દાંત નીચે આંગળીઓ દબાવવા લાગ્યા.
Ambati Rayudu Just took the catch of the season #Rayudu #CSKvsRCB #IPL2022 #Cskforever @roydoaumbeti pic.twitter.com/ukI9ynwBXK
— Mr.shaun❤🇮🇳 (@Shaun81172592) April 12, 2022
બેંગલુરુની ઇનિંગ્સ દરમિયાન 16મી ઓવરમાં થયું. ચેન્નાઈના કેપ્ટન અને સ્પિનર રવિન્દ્ર જાડેજા પોતાની છેલ્લી એટલે કે ચોથી ઓવર લઈને આવ્યા હતા. આમાં તેણે પોતાના બીજા બોલ પર વનિન્દુ હસરંગાને કેચ આઉટ કરાવ્યો. આ પછી આકાશ દીપ નવા બેટ્સમેન તરીકે આવ્યો. આકાશે પ્રથમ બોલનો બચાવ કર્યો હતો. પરંતુ બીજા બોલ પર શોટ કવરમાં બોલને હળવાશથી રમ્યો હતો. પરંતુ તે થોડો સમય હવામાં જ રહ્યો હતો. રાયડુ શોટ કવરમાં ઊભો હતો. બોલ તેનાથી થોડો દૂર હતો. પરંતુ તેણે કોઈ તક ગુમાવી નહીં અને સુપરમેન સ્ટાઈલમાં દોડીને ડાઈવ કરી. આ દરમિયાન તેણે એક હાથમાં આકાશદીપનો કેચ પકડ્યો હતો. આ કેચનો વીડિયો પણ સોશિયલ મીડિયા પર ખૂબ વાયરલ થઈ રહ્યો છે.