આ 40 નોકરીઓને AI થી સૌથી વધુ ખતરો, માઇક્રોસોફ્ટની સ્ટડીમાં ચોંકાવનારો ખુલાસો

માઈક્રોસોફ્ટના અભ્યાસમાં જાણવા મળ્યું છે કે AI દ્વારા જે નોકરીઓ પર સૌથી વધુ અસર થવાની શક્યતા છે તેમાં અનુવાદકો, લેખકો અને ઇતિહાસકારોનો સમાવેશ થાય છે.

માઇક્રોસોફ્ટની એક સ્ટડીમાં ચોંકાવનારો ખુલાસો થયો છે. તેમાં કહેવામાં આવ્યું છે કે ઈન્ટરપ્રેટર્સ અને ટ્રાન્સલેટર્સ (એક ભાષાથી બીજી ભાષામાં અનુવાદ) ની સાથે ઘણી એવી નોકરી છે જેના પર એઆઈ (આર્ટિફિશિયલ ઇન્ટેલિજન્સ) નો ખતરો ઉભો થયો છે. તેમાં ઈતિહાસકાર, સેલ્સ , પેસેન્જર અટેન્ડેન્ટ જેવા કામો પર એઆઈની સૌથી વધુ અસર પડવાની છે.

સામાન્ય રીતે, જ્યારે પણ AI નો ઉલ્લેખ કરવામાં આવે છે, ત્યારે લોકો વિચારે છે કે આના કારણે, ભવિષ્યમાં IT, કન્સલ્ટન્સી, સંશોધન, લેખન વગેરે જેવી નોકરીઓ ખોવાઈ જશે. જ્યારે માઇક્રોસોફ્ટના સંશોધનથી જાણવા મળ્યું છે કે આમાંથી ખરેખર શું અપેક્ષા રાખવી જોઈએ. માઇક્રોસોફ્ટ કહે છે કે જે ઉદ્યોગો AI થી સૌથી વધુ પ્રભાવિત થવાની સંભાવના ધરાવે છે તેઓએ પહેલા તેનો ઉપયોગ કો-પાયલટ તરીકે કેવી રીતે કરવો તે શીખવું પડશે, તેની સામે લડવાને બદલે.

AI ને કારણે થતા હાઇ-ઓવરલેપની યાદીમાં ટોચ પર ગ્રાહક પ્રતિનિધિઓ છે, જે લગભગ 2.86 મિલિયન લોકો સાથે જોડાયેલા છે. આ ઉપરાંત, AI પરનો આ અભ્યાસ લેખકો, પત્રકારો, સંપાદકો, અનુવાદકો અને પ્રૂફરીડર્સ માટે ચેતવણીની ઘંટડીથી ઓછો નથી. આ સાથે, વેબ ડેવલપર્સ, ડેટા સાયન્ટિસ્ટ, પીઆર પ્રોફેશનલ્સ, બિઝનેસ વિશ્લેષકોના ક્ષેત્રોમાં લાંબા ગાળાની નોકરીની સુરક્ષા અંગે પ્રશ્નો ઉભા થઈ રહ્યા છે, જ્યારે ChatGPT અને Copilot જેવા AI ટૂલ્સનો ઉપયોગ આ નોકરીઓમાં પહેલાથી જ થઈ ચૂક્યો છે.

કુલ મળી માઇક્રોસોફ્ટની આ સ્ટડીમાં જણાવવામાં આવ્યું છે કે AI મનુષ્યોની જગ્યા લઈ રહ્યાં નથી, બસ કામ કરવાની પદ્ધતિ બદલાઈ રહી છે. તેનો ઉપયોગ આપણે કામ કરવા દરમિયાન મદદ માટે કરી શકીએ છીએ. તેવામાં આગળ આવનારા ફેરફારો પ્રત્યે ખુદને ઢાળવા અને AI પર પોતાની સમજ વધારવાની જરૂર છે. AI દરેક વસ્તુની નકલ ન કરી શકે કારણ કે કેટલીક વસ્તુ એવી હોય છે જે માટે ઊંડા વિચાર અને આલોચનાત્મક વિચારની જરૂર પડે છે, જે AI ન કરી શકે.

Artificial Intelligence | AI Technologes | jobs | microsoft