PM મોદી આજે મન કી બાતથી રાષ્ટ્રને સંબોધન કરશે

વડાપ્રધાન નરેન્દ્ર મોદી રવિવારે આ વર્ષનો ત્રીજો રેડિયો કાર્યક્રમ મન કી બાતથી રાષ્ટ્રને સંબોધન કરશે. આ કાર્યક્રમનો 75મો એપિસોડ હશે. આ પહેલા મોદીએ 28 ફેબ્રુઆરીએ આ કાર્યક્રમ દ્વારા રાષ્ટ્રને સંબોધન કર્યું હતું. સૂત્રોના જણાવ્યા અનુસાર, આ દ્વારા મોદી કોરોનાના વધતા જતા કેસો અને તહેવારોની સીઝન અંગે વાત કરી શકે છે. દેશમાં કોરોના કેસ ઝડપથી વધી રહ્યાં છે, તે અંગે વડાપ્રધાને પણ ચિંતા વ્યક્ત કરી છે. કાર્યક્રમમાં મોદી સાવધાની સાથે હોળીની ઉજવણી કરવા વિશે વાત કરી શકે છે.