![સ્વાદ અને આરોગ્યથી ભરપૂર અંજીરનો હલવો,તો શિયાળામાં ઘરે બનાવો આ સ્વીટ ડીશ...](https://img-cdn.thepublive.com/fit-in/1280x960/filters:format(webp)/connect-gujarat/media/post_banners/c81c9aaf48380630be1f28733f9d30cd845ab1aec7e19c288be16a57ecbe0766.webp)
આ શિયાળાની ઠંડી ઋતુમાં કઇંકને કઇંક ગળ્યું ખાવાનું મન થાય છે, એટ્લે જ આ સિઝનમાં તલ અને ગોળના મિશ્રણ સાથેની અવનવી હેલ્ધી વાનગી ખાતા હોઈએ છીએ, અને શિયાળામાં ઘણીવાર કંઈક મીઠી ખાવાની તલબ હોય છે. એવી રીતે બધાને હલવો ખાવાનું પસંદ હોય છે. તમે સોજી, ગાજર કે મગની દાળનો હલવો તો ખાધો જ હશે, પરંતુ શું તમે ક્યારેય અંજીરમાંથી બનાવેલો હલવો ખાધો છે? શિયાળાની મીઠાઈઓમાં આ શ્રેષ્ઠ વિકલ્પ છે. તે પ્રોટીન, ફાઈબર, આયર્ન અને કેલ્શિયમનો સારો સ્ત્રોત છે. આવી રીતે, તમે આ સિઝનમાં સૂકા અંજીરની ખીર પણ બનાવી શકો છો. તો ચાલો જાણીએ તેની સરળ રેસિપી.
અંજીર હલવો સામગ્રી :-
સુકા અંજીર - 2 કપ, ખાંડ - અડધો કપ, ખોયા - 1 કપ
એલચી પાવડર - અડધી ચમચી, કાજુ – 10, બદામ – 10, કિસમિસ 10-15, કેસર - બે ચપટી
પિસ્તા – વૈકલ્પિક, દેશી ઘી - 2-3, ખાંડ॰
અંજીર હલવો બનાવવાની રીત :-
સૌપ્રથમ એક વાસણમાં પાણી લો અને સૂકા અંજીરના નાના ટુકડા કરીને તેને પલાળી રાખો. તેમને લગભગ 1 કલાક માટે પલાળવા દો. આ પછી તે નરમ થઈ જશે. હવે તેમને મિક્સર વડે પીસી લો. આ પછી એક કઢાઈ લો અને તેમાં ઘી ઉમેરીને ગરમ કરો. હવે અંજીરની પેસ્ટ ઉમેરો અને તળવાનું શરૂ કરો. આ દરમિયાન ગેસની ફ્લેમ મીડીયમ જ રાખવી. 10 મિનિટ શેક્યા પછી તેમાં ખોયા ઉમેરો અને થોડીવાર શેક્યા પછી તેમાં ખાંડ ઉમેરો. જ્યારે ખાંડ બરાબર ઓગળી જાય, ત્યાર બાદ તેમાં બારીક સમારેલા ડ્રાયફ્રૂટ્સ અને કેસર નાખીને મિક્સ કરો.ખાંડ ઓછી ઉમેરવી કારણ કે અંજીર મીઠી હોય છે. જ્યારે હલવો ઘી છોડવા લાગે ત્યારે તેમાં એલચી પાવડર નાખી ગેસ બંધ કરી દો. હવે તેને એક વાસણમાં કાઢીને ગરમા-ગરમ સર્વ કરો.