ઉનાળામાં રોજ પીવો બીલાનું શરબત, ગરમીમાં પણ રહેશે ઠંડક, જાણો સરળ રેસિપી.

ઉનાળાની વધતી આ કાળઝાળ ગરમી અને ગરમીના મોજાની વેદના દિવસેને દિવસે વધી રહી છે. આવી સ્થિતિમાં શરીરને હાઇડ્રેટ રાખવું ખૂબ જ જરૂરી છે. આ માટે તમારે પુષ્કળ પ્રમાણમાં પાણી પીવું પડશે, પરંતુ તેની સાથે જ તમારા આહારમાં પેટને ઠંડુ રાખનારા પીણાંનો સમાવેશ કરવો પણ ખૂબ જ ફાયદાકારક સાબિત થઈ શકે છે.તો તેના માટે બીલાનું જ્યુસ વધારે શ્રેષ્ઠ છે તો કેવી રીતે બનાવવું તે જાણીએ, જે સખત ગરમી ખૂબ જ ફાયદાકારક સાબિત થાય છે. તમે કદાચ તેને બજારમાં પીધું હશે, પરંતુ આજે તેને ઘરે બનાવતા શીખો, જે માત્ર થોડી મિનિટોમાં બની જાય છે.

સામગ્રી :-

બીલુ – 1, ખાંડ - 1/2 કપ, ઠંડુ પાણી - 4 કપ, બરફના ટુકડા - જરૂરિયાત મુજબ

બનાવવાની રીત :-

બીલાનો રસ બનાવવા માટે સૌપ્રથમ તેને તોડી લો અને તેનો પલ્પ ખુલ્લા વાસણમાં કાઢી લો. ત્યાર બાદ આ વાસણમાં ઠંડુ પાણી મિક્સ કરો અને એક કલાક માટે ઢાંકીને રહેવા દો. હવે તેમાં રહેલા પલ્પને હાથ અથવા મશરની મદદથી પાણીની નીચે મેશ કરો. તેને મેશ કર્યા પછી, તમે જોશો કે બીલાના રેસા અને બીજ અલગ થઈ ગયા છે. તો તેમાથી બીજને કાઢી નાખવા. હવે તમારે એક ફિલ્ટર લેવાનું છે અને તેની મદદથી બીલાના રસને એક વાસણમાં ગાળી લો. પછી સ્વાદ મુજબ ખાંડ ઉમેરો અને બરફના ટુકડા પણ ઉમેરો. અને ખાંડના ઉમેરો તો પણ ચાલે. તો તૈયાર છે તમારું સ્વાદિષ્ટ બીલા શરબત. તેને ઠંડુ કરીને જ સર્વ કરો. ખાસ કરીને આ સવારના સમયે પીવું વધારે ફાયદાકારક માનવામાં આવે છે.