નાસ્તામાં નાના-મોટા બધાને પસંદ આવતી ભાખરવડી ઘરે બનાવો, આ રહી સરળ ટીપ્સ

સવાર-સાંજ નાસ્તામાં કંઈક ટેસ્ટી અને ચટપટું ખાવાનું દરેક વ્યક્તિને પસંદ હોય છે. ત્યારે મોટાભાગના લોકો બજારમાંથી નાસ્તો ખરીદીને લાવતા હોય છે.

તો આજે બજારમાં મળતી ભાખરવડી ઘરે કેવી રીતે બનાવી શકાય તેની રેસિપી જોઈશું.

ભાખરવડી બનાવવા માટે ઘઉંનો લોટ, મેંદો, બેસન, મીઠું, હળદર, લીલા કોપરાનું છીણ,શીંગ દાણા, તલ, વરિયાળી, ખસખસ, ખાંડ, લાલ મરચું, ગરમ મસાલો, લીંબુનો રસ, લીલા મરચા, લસણ, આદું સહિતની સામગ્રીની જરુર પડશે.

ભાખરવડી ઘરે બનાવવા માટે સૌથી પહેલા એક પેનમાં તલ, વરિયાળી, ખસખસ, શીંગદાણાને હળવા શેકી મિક્સર જારમાં નાખીને પીસી લો.

હવે તે જ પેનમાં બેસનને શેકી એક બાઉલમાં કાઢી તેમાં લાલ મરચું પાઉડર, સ્વાદ અનુસાર મીઠું, ગરમ મસાલો ઉમેરીને મિક્સ કરી લો.

હવે કોપરાનું છીણ, બેસન, આદુ-મરચા-લસણની પેસ્ટ ઉમેરીને બરાબર મિક્સ કરી લો. ત્યારબાદ તેમાં દળેલી ખાંડ, લીંબુનો રસ, આખા તલ સહિતની વસ્તુઓ ઉમેરી બરાબર મિક્સ કરી લો.

હવે તેમાં મેંદો, થોડું પાણી એડ કરી કઠણ લોટ બાંધી તેમાંથી લૂઆ બનાવી રોટલી વણી તેમાં સ્ટફિંગ પાથરી રોલ બનાવી લો.

હવે એક કઢાઈમાં તેલ ગરમ કરી બધી ભાખરવડીને ક્રિસ્પી થાય ત્યાં સુધી તળી લો. તમે આ ભાખરવડીને સ્ટોર કરી શકો છો.