![ઘરે જ બનાવો સ્વાદ અને પોષણથી ભરપૂર ખજૂર બરફીની વાનગી...](https://img-cdn.thepublive.com/fit-in/640x430/filters:format(webp)/connect-gujarat/media/post_banners/4ed55f53c7bc42432176fa6c9a5082cd30f0a6c38cdfe07d86abb969b5c67763.webp)
શિયાળાની આ ઠંડીમાં ખાસ કરીને હેલ્ધી અને અને થોડું ગળ્યું ખાવાનું પણ વધારે મન થતું હોય છે, અને તેમાય તલ, મગફળી અને ખજૂર ખૂબ જ ફાયદાકારક છે. તેમાં રહેલા એન્ટી ઓક્સિડન્ટ્સ, મિનરલ્સ અને વિટામિન્સ આપણા પાચન અને હૃદય માટે ખૂબ જ ફાયદાકારક છે. હવે તેને ખાવાના ઘણા ફાયદા છે તો શા માટે તેને સ્વાદિષ્ટ મીઠાઈ તરીકે ન ખાઈએ. ખજૂરને સવારમાં ઘી સાથે અને ખજૂરને પલાળીને પણ ખાઈ શકાય છે, અને ખાસ કરીને તમે ખજૂર ખૂબ જ ખાસ બરફી પણ બનાવી શકો છો. જાણો ખજૂરની બરફી બનાવવાની રેસીપી.
સામગ્રી :-
1 લીટર ફુલ ક્રીમ દૂધ, 1 કપ ગોઠલી વગરના ખજૂર, 1/4 કપ શેકેલા કાજુ, 1 ચમચી ઘી
1/4 કપ બદામ, 1 ચમચી લીલી એલચી, 1/4 કપ કિસમિસ, 3 ચમચી પાણી
ખજૂરની બરફી બનાવવાની રીત :-
- આ સરળ રેસીપી શરૂ બનાવવા માટે, ખાલી ખજૂરને ગરમ પાણીમાં પલાળી દો. બીજ કાઢી લો અને સ્મૂધ મિશ્રણ બનાવો. પછી એક પેન ગરમ કરો અને તેમાં ઘી ઉમેરો, દૂધ ઉમેરો, ઘટ્ટ થાય ત્યાં સુધી હલાવતા રહો, ખજૂરનું મિશ્રણ, એલચી પાવડર, ડ્રાયફ્રૂટ્સ અને કિસમિસ ઉમેરો.સારી રીતે મિક્સ કરો અને તેને ગ્રીસ કરેલી ટ્રેમાં મૂકો અને ફ્રીજમાં રાખો. છેલ્લે તેને ચોરસ આકારમાં કાપો અને સર્વ કરો તો આ રીતે ખજૂરની બરફી સરળ રીતે ઘરે જ બનાવી શકાય છે.