વધેલા ભાતમાંથી બનાવો ટેસ્ટી પકોડા, ફેંકવા નહીં પડે..વરસાદમાં ખાવાની મજા આવશે
ભારતીય ભોજન ભાત વગર અધૂરું છે. આ કારણે દરેક લોકોના ઘરમાં દાળ-ભાત બનતા હોય છે. ભાતમાં તમે અનેક પ્રકારની વાનગીઓ બનાવી શકો છો. દાળ-ભાત ના ખાધા હોય તો જાણે જમવામાં કંઇ મજા નથી આવી એવું લાગતુ હોય છે. પરંતુ ઘણી વાર એવુ બનતુ હોય છે કે ભાત વધતા હોય છે. આ વધેલા ભાતને ફેંકવાનો વારો આવે છે, પરંતુ તમે વધેલા ભાતમાંથી મસ્ત પકોડા બનાવી શકો છો. આ પકોડા ખાસ કરીને ચોમાસામાં ખાવાની બહુ મજા આવે છે. તો તમે પણ નોંધી લો રીત અને ફટાફટ વધેલા ભાતમાંથી બનાવો ટેસ્ટી અને ક્રિસ્પી પકોડા.
પકોડા બનાવવાની સામગ્રી
· 1 કપ ભાત
· એક કપ બેસન
· એક ચમચી કટ કરેલા લીલા મરચા
· કોથમીર
· આદુ
· અજમો
· લાલ મરચુ
· તળવા માટે તેલ
· સ્વાદાનુંસાર મીઠું
પકોડા બનાવવાની રીત
· વધેલા ભાતમાંથી ટેસ્ટી પકોડા બનાવવા માટે સૌ પ્રથમ એક બાઉલ લો અને એમાં બેસન લો.
· આ બેસનમાં થોડુ પાણી નાખીને ખીરુ તૈયાર કરી લો.
· આ બેસનમાં વધેલા ભાત નાખો અને મિક્સ કરો. ખાસ ધ્યાન રાખો કે ભાતના ગઠ્ઠા ના પડે અને એકરસ થઇ જાય.
· આ બેસનમાં લાલ મરચુ, ધાણાજીરું, ચાટ મસાલો, અજમો, ચપટી હળદર અને સ્વાદાનુંસાર મીઠું નાખીને મિક્સ કરી લો.
· પછી આ ખીરાને 5 થી 10 મિનિટ માટે ઢાંકીને રહેવા દો.
· ત્યારબાદ આ ખીરામાં લીલા મરચા, કોથમીર અને આદુની પેસ્ટ તેમજ ઝીણું સમારેલુ આદુ નાખો.
· તળવા માટે તેલ ગરમ કરવા માટે મુકો.
· તેલ ગરમ થઇ જાય એટલે આ ખીરામાંથી પકોડા ઉતારો.
· પકોડા આછા બ્રાઉન રંગના થાય ત્યાં સુધી તળી લો.
· ત્યારબાદ આ પકોડાને એક પ્લેટમાં લઇ લો.
· તો તૈયાર છે વધેલા ભાતમાંથી ટેસ્ટી પકોડા.
· આ પકોડા તમે સોસ તેમજ લીલી ચટણી સાથે ખાઓ છો તો મજ્જા પડી જાય છે.
· આ પકોડા સ્વાદમાં એકદમ ટેસ્ટી બને છે.
· ખાસ કરીને આ પકોડા ચોમાસાની સિઝનમાં ખાવાની મજા આવે છે.વધેલા ભાતમાંથી બનાવો ટેસ્ટી પકોડા, ફેંકવા નહીં પડે..વરસાદમાં ખાવાની મજા આવશે
· આ પકોડાનું ખીરુ પાતળુ ના થઇ જાય એનું ખાસ ધ્યાન રાખવાનું છે.