આ હેલ્ધી વેગન પાસ્તા સલાડન ઘરે જ બનાવો આ સરળ વાનગી...

આજકાલ લોકો સ્વસ્થ રહેવા માટે શાકાહારી અને હેલ્ધી ફૂડ તરફ વળ્યા છે.અને તેમાય ખાસ કરીને શિયાળા દરમિયાન હેલ્ધી ફૂડ ખાઈને અને વધતાં વજનને ઓછું કરવા અવનવા પ્રયત્નો કરતાં હોય છે, અને તેમાં ખોરાક શાકાહારી હોવાની સાથે સાથે વેગન ડાયટ ફોલો કરવાનું ચલણ પણ વધ્યું છે. આવી સ્થિતિમાં, લોકો વિવિધ પ્રકારના સલાડ ખાય છે જે સંપૂર્ણપણે વેગન હોય છે. તો આજે સ્વાદથી ભરપૂર અને ટેસ્ટી વેગન પાસ્તા સલાડ બનાવવાની સરળ રીત જાણીએ....

સામગ્રી :-

પાસ્તા, ચેરી ટમેટા, કઠોળ, ડુંગળી, કેપ્સીકમ, કાકડી, ઓલિવ, કાબુલી ચણા, સૂર્યમુખીના બીજ

બ્રોકલી, ડ્રેસિંગ (બદામનું દૂધ, મેપલ સીરપ, કાળું મીઠું, લીંબુ)

વેગન પાસ્તા સલાડ બનાવવાની રીત :-

સૌથી પહેલા ચણાને ઓછામાં ઓછા ત્રણ કલાક પાણીમાં પલાળી રાખો. પછી પાસ્તાને મીઠાના પાણીમાં ઉકાળો અને પછી પાણીને ગાળી લો.હવે પાસ્તાને ઠંડા પાણીથી ધોઈને બાજુ પર રાખો. આ પછી ચેરી ટમેટા, કઠોળ, કેપ્સિકમ, કાકડી અને ડુંગળીને બારીક સમારી લો.

એક મધ્યમ કદના બાઉલમાં ડ્રેસિંગ તૈયાર કરો. બદામનું દૂધ, મેપલ સીરપ, લીંબુનો રસ, એપલ સાઇડર વિનેગર, કાળું મીઠું અને કાળા મરી ઉમેરો અને સારી રીતે મિક્ષ કરો.

હવે એક મોટા બાઉલમાં પાસ્તા લો. તેમાં બારીક સમારેલા કેપ્સીકમ, ડુંગળી, ચેરી ટામેટાં, ઓલિવ અને બીન્સ ઉમેરો. પછી તેમાં ચણા ઉમેરો. આ પછી, આ બાઉલમાં ડ્રેસિંગ ઉમેરો અને સારી રીતે મિક્સ કરો.

પછી તાજી બ્રોકલી ઉમેરો. તુલસી અને પાર્સલીનું મિશ્રણ તેમાં તાજગી લાવે છે. સૂર્યમુખીના બીજ ઉમેરો. આ એક વધારાનો ક્રંચ આપે છે, જે સલાડને હેલ્ધી તેમજ ટેસ્ટી બનાવે છે. આ પછી મીઠું ઉમેરીને બરાબર મિક્સ કરી લો અને પછી તેને સર્વ કરો....

તમે તેને લગભગ બે દિવસ માટે રેફ્રિજરેટરમાં સ્ટોર કરી શકો છો, પરંતુ સલાડ તાજા ખાવાનો પ્રયાસ કરો.