એશિઝ 5મી ટેસ્ટ : જો રૂટની 'વિરાટ' સદી, ટ્રેવિસ હેડનો વળતો જવાબ, બીજા દિવસે પણ રોમાંચક રહી રમત...

જો રૂટની ઐતિહાસિક 41મી ટેસ્ટ સદી છતાં, ઓસ્ટ્રેલિયાએ એશિઝ 5મી ટેસ્ટના બીજા દિવસના અંત સુધીમાં શાનદાર વાપસી કરી. ટ્રેવિસ હેડના અણનમ 91 રનના સહારે, ઓસ્ટ્રેલિયાએ 2 વિકેટે 166 રન બનાવ્યા, જે હજુ પણ ઇંગ્લેન્ડના 384 રનથી 218 રન પાછળ છે.

ઇંગ્લેન્ડે બીજા દિવસે 211/3 પર રમત ફરી શરૂ કરી. હેરી બ્રુક (84) અને બેન સ્ટોક્સ (0) વહેલા આઉટ થયા. ત્યારબાદ જેમી સ્મિથે રૂટ સાથે 94 રનની ભાગીદારી કરી. સ્મિથે આક્રમક બેટિંગ કરી પરંતુ લંચ પહેલા જ લાબુશેનના શોર્ટ બોલ પર હાર માની. લંચ પછી, ઇંગ્લેન્ડનો નીચલો ક્રમ પત્તાના ઢગલા જેવો તૂટી પડ્યો. માઈકલ નેસરની ઘાતક બોલિંગ (4 વિકેટ) ને કારણે, ઇંગ્લેન્ડે તેમની છેલ્લી ચાર વિકેટ માત્ર 9 રનમાં ગુમાવી દીધી. જોકે, લક્ષ્યનો પીછો કરતા ઓસ્ટ્રેલિયાએ ટ્રેવિસ હેડ અને જેક વેધરલ્ડ દ્વારા ઝડપી શરૂઆત કરી. જોકે, ઇંગ્લેન્ડને પહેલી સફળતા ત્યારે મળી જ્યારે વેધરલ્ડને કેપ્ટન બેન સ્ટોક્સે LBW આઉટ કર્યો. ત્યારબાદ માર્નસ લાબુશેન (48) અને ટ્રેવિસ હેડ (91*) એ બીજી વિકેટ માટે 105 રનની શાનદાર ભાગીદારી કરીને ઇંગ્લેન્ડના બોલરોને પરેશાન કર્યા હતા.