ચેમ્પિયન્સ ટ્રોફી પહેલા ઓસ્ટ્રેલિયાને ફટકો, આ સ્ટાર ખેલાડીએ અચાનક ODIમાંથી નિવૃત્તિ લીધી

ઓસ્ટ્રેલિયન ક્રિકેટર માર્કસ સ્ટોઇનિસે ચેમ્પિયન્સ ટ્રોફી પહેલા ODI ક્રિકેટમાંથી નિવૃત્તિ લીધી છે. તે ચેમ્પિયન્સ ટ્રોફીમાં ભાગ લેશે નહીં. જોકે, તે T20 ક્રિકેટમાં ઓસ્ટ્રેલિયન ટીમ માટે રમવાનું ચાલુ રાખશે.

જોશ હેઝલવુડ અને પેટ કમિન્સ પણ ટીમ સાથે ચેમ્પિયન્સ ટ્રોફી રમી શકશે નહીં.35 વર્ષીય ક્રિકેટરે ગુરુવારે કહ્યું: 'ઓસ્ટ્રેલિયા માટે ODI ક્રિકેટ રમવું એ એક અદ્ભુત સફર રહી છે. મેદાનમાં મેં વિતાવેલી બધી ક્ષણો માટે હું આભારી છું.' સ્ટોઇનિસ સાઉથ આફ્રિકામાં ચાલી રહેલી SA20 લીગમાં ડર્બન સુપર જાયન્ટ્સ ટીમનો ભાગ હતો, પરંતુ છેલ્લી મેચમાં તેને હેમસ્ટ્રિંગમાં ઈજા થઈ હતી.ગયા મહિને 13 જાન્યુઆરીએ ચેમ્પિયન્સ ટ્રોફી રમવા માટે સ્ટોઇનિસની ઓસ્ટ્રેલિયન ટીમમાં પસંદગી કરવામાં આવી હતી. ક્રિકેટ ઓસ્ટ્રેલિયા ટૂંક સમયમાં તેમના સ્થાને ખેલાડીની જાહેરાત કરશે. ICCએ ટીમમાં ફેરફાર માટે 12 ફેબ્રુઆરી છેલ્લી તારીખ નક્કી કરી છે.