ફિફ્ટી પર અભિનંદન, જીત પર ઝપ્પી, રોહિત-કોહલીનો વિડિયો થયો વાયરલ.!

હૈદરાબાદમાં રવિવારે ભારત અને ઓસ્ટ્રેલિયા વચ્ચે રમાયેલી ત્રીજી T20 મેચમાં અમેઝિંગ મેચ જોવા મળી હતી. ટીમ ઈન્ડિયાને 187 રનનો ટાર્ગેટ મળ્યો. છેલ્લી ઓવરમાં હાર્દિક પંડ્યાએ ભારતને જીત અપાવી અને આ સાથે જ શ્રેણી પણ 2-1થી ભારતના નામે થઈ ગઈ. આ મેચ દરમિયાન અદ્ભુત દ્રશ્યો જોવા મળ્યા, જેના માટે ભારતીય ચાહકો ઉત્સુક છે. ટીમ ઈન્ડિયાના કેપ્ટન રોહિત શર્મા અને પૂર્વ કેપ્ટન વિરાટ કોહલી મેચ દરમિયાન એકબીજાને ગળે લગાવતા જોવા મળ્યા હતા. ઉપરાંત, જ્યારે બંનેએ જીત બાદ ઉજવણી કરી હતી, ત્યારે તેનો વીડિયો પણ સોશિયલ મીડિયા પર વાયરલ થયો હતો.

The bond between these two is beyond perfection. Fans should understand this. #IndvsAuspic.twitter.com/qtklkMUsDQ

— Amit Mishra (@MishiAmit) September 25, 2022

આ મેચમાં પૂર્વ ભારતીય કેપ્ટન વિરાટ કોહલીએ 63 રનની શાનદાર ઇનિંગ રમી હતી, જ્યારે વિરાટ કોહલી આઉટ થઈને પેવેલિયન પરત ફરી રહ્યો હતો. તે સમયે ટીમ ઈન્ડિયાની જીત લગભગ નિશ્ચિત થઈ ગઈ હતી, રોહિતે વિરાટ કોહલીની પીઠ પર થપ્પો માર્યો અને તેની શાનદાર ઇનિંગ માટે અભિનંદન આપ્યા.

આ પછી જ્યારે મેચ છેલ્લી ઓવરમાં પહોંચી ત્યારે વિરાટ કોહલી અને રોહિત શર્મા સીડી પર બેસીને મેચ જોઈ રહ્યા હતા. ટીમ ઈન્ડિયાનો વિજય થતાં જ બંને ખુશીથી ઉછળી પડ્યા અને એકબીજાને ગળે લગાવ્યા. બંનેનો આ વીડિયો સોશિયલ મીડિયા પર ખૂબ વાયરલ થઈ રહ્યો છે અને બંને ખેલાડીઓના ફેન્સ ખૂબ જ ખુશ છે.