/connect-gujarat/media/post_banners/0bd5193e8076f388b33ab6b68199b34b94588d900f22360ce4b6a4de3c62a097.webp)
ભારત અને દક્ષિણ આફ્રિકા વચ્ચે ત્રણ મેચની વનડે શ્રેણીની બીજી મેચ રવિવારે (8 ઓક્ટોબર) રાંચીમાં રમાશે. મેચ પહેલા દક્ષિણ આફ્રિકાની ટીમના અનુભવી બેટ્સમેન ડેવિડ મિલરને મોટો ઝટકો લાગ્યો છે. મિલર પર દુ:ખનો પહાડ તૂટી પડ્યો છે. તેના એક નાનકડા ચાહકનું દક્ષિણ આફ્રિકામાં અવસાન થયું છે. મિલરે સોશિયલ મીડિયા પર વીડિયો શેર કરીને આ અંગે જાણકારી આપી હતી. પહેલા આ નાનકડી ચાહક મિલરની પુત્રી હોવાનું કહેવાતું હતું પરંતુ પછીથી પુષ્ટિ થઈ કે તે પુત્રી નથી.
ઇન્સ્ટાગ્રામ પર વિડિયો શેર કરતાં મિલરે લખ્યું, "મારી સ્વીટ પ્રિન્સેસને RIP, પ્રેમ હંમેશા રહેશે!" આ નાનકડા મિલરના ચાહકને કેન્સર હતું. વીડિયોમાં બંનેની ઘણી તસવીરો જોવા મળી રહી છે. તે ક્રિકેટ રમતી પણ જોવા મળે છે. મિલરની આ પોસ્ટ પર વિશ્વના ઘણા ખેલાડીઓએ દુઃખ વ્યક્ત કર્યું છે. વેસ્ટ ઈન્ડિઝના રાયદ અમૃત અને ભારતના ફાસ્ટ બોલર ચેતન સાકરિયાએ કોમેન્ટ કરી છે. બંનેએ શ્રદ્ધાંજલિ આપી છે.
મિલરે ભારતના પ્રવાસમાં શાનદાર પ્રદર્શન કર્યું છે. તેણે T20 શ્રેણીની બીજી મેચમાં 106 રનની અણનમ ઇનિંગ રમી હતી. આ સાથે જ તેણે પ્રથમ વનડેમાં અણનમ 75 રન બનાવ્યા હતા. આફ્રિકન ટીમને T20 શ્રેણીમાં હારનો સામનો કરવો પડ્યો હતો. તેઓએ ODI શ્રેણીમાં પુનરાગમન કર્યું અને પ્રથમ મેચ જીતીને 1-0ની સરસાઈ મેળવી. શ્રેણીની બીજી મેચ રવિવારે રાંચીમાં અને ત્રીજી મેચ મંગળવારે (11 ઓક્ટોબર) દિલ્હીમાં રમાશે.