Hardik-Natasa Wedding : ચાલો તો જાણીએ કેવી રીતે શરૂ થઈ હાર્દિક અને નતાશાની લવ સ્ટોરી...!

નતાશા પહેલા હાર્દિકનું નામ ઘણી મોડલ અને અભિનેત્રીઓ સાથે જોડાયેલું હતું. જોકે હાર્દિકે આ તમામ બાબતોને નકારી કાઢી હતી. આ પછી હાર્દિક એક નાઈટ ક્લબમાં નતાશા સ્ટેનકોવિકને મળ્યો હતો. ત્યારે નતાશાને ખબર નહોતી કે હાર્દિક એક ક્રિકેટર છે. આ વાત હાર્દિકે પોતે જ જણાવી હતી. તેણે કહ્યું હતું- નતાશાને ખબર નહોતી કે હું કોણ છું. અમે એકબીજા સાથે વાત કરી અને ધીરે ધીરે નજીક આવ્યા. અમે જ્યાં મળ્યા હતા ત્યાં તેણે મને ટોપીમાં જોયો.

હાર્દિકે કહ્યું- હું રાત્રે એક વાગ્યે ટોપી, ગળામાં ચેન અને હાથમાં ઘડિયાળ પહેરીને બેઠો હતો. નતાશાને લાગ્યું કે તે કોઈ રેન્ડમ વ્યક્તિ છે. આ સમય દરમિયાન જ અમારી વાતચીત શરૂ થઈ. પછી અમે એકબીજાને ડેટ કરવાનું શરૂ કર્યું. હાર્દિક અને સ્ટેનકોવિક પણ ઘણી પાર્ટીઓમાં સાથે દેખાવા લાગ્યા હતા. જો કે, 2020 પહેલા, બંનેએ ક્યારેય તેમના સંબંધોનો ખુલાસો કર્યો ન હતો. હાર્દિકને લાગ્યું કે નતાશા યોગ્ય વ્યક્તિ છે જેની સાથે તે આખી જિંદગી વિતાવી શકે છે.

આ પછી હાર્દિકે નતાશાનો પરિચય તેના પરિવાર સાથે કરાવ્યો હતો. એક વર્ષમાં જ હાર્દિકે સંબંધો પર મહોર મારી દીધી. જોકે તેના માતા-પિતાને ખબર ન હતી કે તેની સગાઈ થવાની છે. 2020માં બંનેની સગાઈની ખબર ઈન્સ્ટાગ્રામ પોસ્ટ પરથી મળી હતી. આ પછી હાર્દિકે એક ખાનગી સમારંભમાં નતાશા સાથે લગ્ન કર્યા. જુલાઈ 2020માં જ હાર્દિકે કહ્યું હતું કે તે પિતા બનવા જઈ રહ્યો છે. બંનેને હાલમાં એક પુત્ર છે જેનું નામ અગસ્ત્ય છે. અગસ્ત્ય સાથે હાર્દિકના મસ્તીના કેટલાક વીડિયો પણ સામે આવ્યા છે.

જ્યારથી નતાશા હાર્દિકના જીવનમાં આવી છે ત્યારથી તે વધુ જવાબદાર બની ગયો છે. હાર્દિક તેના પરિવાર સાથે સમય વિતાવવાની તક ક્યારેય છોડતો નથી. ગત વર્ષે T20 વર્લ્ડ કપ દરમિયાન હાર્દિકને ઈજા થઈ હતી. આ પછી તેણે NCAમાં રિહેબિલિટેશનમાં ઘણો સમય વિતાવ્યો. આ સાથે તે પરિવાર સાથે સમય વિતાવતો પણ જોવા મળ્યો હતો. હાર્દિકે કહ્યું હતું કે કોરોનાના સમયમાં પરિવાર હોવું કેટલું જરૂરી છે. T20 વર્લ્ડ કપ બાદ BCCIએ હાર્દિકને કોઈપણ પ્રવાસ કે શ્રેણી માટે ભારતીય ટીમમાં સ્થાન આપ્યું નથી. આ સાથે તેમના સેલેરી ગ્રેડમાં પણ કાપ મુકવામાં આવ્યો હતો.