IND vs AUS: ટેસ્ટ સિરીઝ પહેલા ડરી ગયો આ ઓસ્ટ્રેલિયન બેટ્સમેન, કહ્યું- અશ્વિન સૌથી મુશ્કેલ પડકારોમાંથી એક..!

ઓસ્ટ્રેલિયાના બેટ્સમેન મેટ રેનશોનું કહેવું છે કે ભારત સામે આવતા મહિને રમાનારી ટેસ્ટ શ્રેણી દરમિયાન ઓફ સ્પિનર રવિચંદ્રન અશ્વિન સૌથી મુશ્કેલ પડકારોમાંથી એક હશે. ભારત સામેની સિરીઝમાં તમામની નજર ઓસ્ટ્રેલિયન બેટ્સમેનો પર રહેશે કે તેઓ ભારતીય ઓફ સ્પિનરોનો કેવી રીતે સામનો કરશે. ઓસ્ટ્રેલિયાની આ ટીમમાં ડેવિડ વોર્નર, ઉસ્માન ખ્વાજા, ટ્રેવિસ હેડ, એલેક્સ કેરી અને રેનશો ડાબા હાથના બેટ્સમેન છે અને તેમના માટે અશ્વિનને રમવું આસાન નહીં હોય. રેનશોએ કહ્યું કે અશ્વિનનો સામનો કરવો મુશ્કેલ છે. તે એક ચતુર બોલર છે જેમાં ઘણી વિવિધતા છે.

રેનશોએ કહ્યું- મને લાગે છે કે ડાબા હાથના બેટ્સમેન માટે અશ્વિન અને સ્પિન સ્થિતિમાં કોઈપણ ઓફ-સ્પિનર કરતાં LBW મોટો પડકાર છે. રેનશોએ સંકેત આપ્યો હતો કે ઓસ્ટ્રેલિયાએ અશ્વિનની બોલ પર સાવચેત રહેવું જોઈએ. ભારત અને ઓસ્ટ્રેલિયા વચ્ચે 9 ફેબ્રુઆરીથી ચાર ટેસ્ટ મેચની શ્રેણી શરૂ થશે. કમિન્સના નેતૃત્વમાં કાંગારૂઓ 19 વર્ષમાં ભારતમાં તેમની પ્રથમ શ્રેણી જીતવા પર નજર રાખી રહ્યા છે.