MS Dhoni કારમાં બેસીને ફેન્સ સાથે મસ્તી કરતો જોવા મળ્યો, જુઓ વીડિયો

એમએસ ધોનીની આગેવાની હેઠળની ચેન્નાઈ સુપર કિંગ્સે ઈન્ડિયન પ્રીમિયર લીગ (આઈપીએલ 2023)નું 16મું ટાઈટલ જીત્યું.  ફાઇનલમાં ગુજરાત ટાઇટન્સને હરાવીને, CSKએ પાંચમી વખત IPL ટ્રોફી પર કબજો કર્યો. આ ટૂર્નામેન્ટ બાદ એમએસ ધોની પોતાના હોમ ટાઉન રાંચીમાં પરિવાર સાથે સમય વિતાવી રહ્યો છે. જો કે આ દરમિયાન ધોનીના અલગ-અલગ વીડિયો વાયરલ થતા રહે છે જેમાં તે ક્યારેક પોતાના ફેન્સ સાથે ફોટોગ્રાફ્સ લેતો જોવા મળે છે તો ક્યારેક રસ્તા પર કાર ચલાવતો જોવા મળે છે. દરમિયાન, ધોનીનો તેના ચાહકો સાથે મસ્તી કરતો અન્ય એક વીડિયો સોશિયલ મીડિયા પર ઝડપથી વાયરલ થઈ રહ્યો છે.

View this post on Instagram

A post shared by ConnectGujarat (@connectgujarat)

ભારતીય ટીમના પૂર્વ કેપ્ટન એમએસ ધોની ઘણીવાર રાંચીમાં ફરતા જોવા મળે છે. તે છેલ્લા કેટલાક સમયથી રાંચીના રસ્તાઓ પર પોતાની અલગ અલગ વિન્ટેજ કાર ચલાવતો જોવા મળે છે. જેનો વીડિયો સોશિયલ મીડિયા પર વાયરલ થયો હતો. હવે ધોનીનો વધુ એક વીડિયો વાયરલ થયો છે જેમાં તે પોતાની કારમાં બેસીને ફેન્સ સાથે વાત કરતો જોવા મળી રહ્યો છે. દરમિયાન, જ્યારે પ્રશંસકો તેને વિજયના ચિહ્ન સાથે ફોટો લેવા વિનંતી કરે છે, ત્યારે ધોની તરત જ તેમની સાથે સંમત થઈ જાય છે.