NZ vs PAK: ન્યૂઝીલેન્ડે પાકિસ્તાનને 46 રને હરાવ્યું, ડેરીલની તોફાની ઇનિંગ બાદ સાઉદીની ઘાતક બોલિંગ..!

ન્યૂઝીલેન્ડે શુક્રવારે 12 જાન્યુઆરીએ ઓકલેન્ડના ઈડન પાર્ક ખાતે રમાયેલી પ્રથમ T20 મેચમાં પાકિસ્તાનને 46 રને હરાવ્યું હતું. આ જીત સાથે કિવિઓએ પાંચ મેચોની શ્રેણીમાં 1-0ની સરસાઈ મેળવી લીધી છે.

પ્રથમ બેટિંગ માટે આમંત્રિત કર્યા પછી, ન્યૂઝીલેન્ડે પાકિસ્તાન સામે T-20માં 8 વિકેટના નુકસાન પર તેનો સર્વોચ્ચ સ્કોર 226 રન બનાવ્યો હતો. ડેવોન કોનવે શૂન્ય રને આઉટ થયો હતો, પરંતુ ફિન એલને શાહીન શાહ આફ્રિદીની બીજી ઓવરમાં 24 રન લીધા હતા. આંતરરાષ્ટ્રીય ક્રિકેટમાં પદાર્પણ કરનાર અબ્બાસ આફ્રિદીએ એલનને આઉટ કરીને પાકિસ્તાનને રાહત પહોંચાડી હતી. આઉટ થતા પહેલા એલને 15 બોલમાં 35 રન બનાવ્યા હતા. કેપ્ટન કેન વિલિયમસને 42 બોલમાં 9 ચોગ્ગાની મદદથી 57 રન બનાવ્યા હતા.

ગ્લેન ફિલિપ્સે પાકિસ્તાનના બોલરોને ખૂબ માર્યા હતા. જમણા હાથના બેટ્સમેને 27 બોલમાં 61 રનની શાનદાર ઇનિંગ રમી હતી. માર્ક ચેપમેને 11 બોલમાં 26 રનની ઇનિંગ રમી અને ટીમનો સ્કોર 200ની પાર પહોંચાડ્યો. પાકિસ્તાન તરફથી શાહિને 46 રન આપીને 3 વિકેટ ઝડપી હતી. અબ્બાસે 4 ઓવરમાં 34 રન આપીને 3 વિકેટ ઝડપી હતી.