RCBvsRR: બેંગલોર રાજસ્થાન સામે ૭ રનથી જીત્યું, દેવદત્ત પડિકલની ફિફ્ટી એળે ગઈ
રાજસ્થાન સામે બેંગ્લોરની આ એકંદરે 14મી જીત છે. બંને વચ્ચે અત્યાર સુધી 29 મેચ રમાઈ છે.
ગ્લેન મેક્સવેલ અને ફાફ ડુ પ્લેસિસની સેન્ચુરિયન પાર્ટનરશિપના આધારે રોયલ ચેલેન્જર્સ બેંગ્લોરે ઇન્ડિયન પ્રીમિયર લીગ-16ની 32મી મેચમાં રાજસ્થાન રોયલ્સને 7 રનથી હરાવ્યું હતું. રાજસ્થાન સામે બેંગ્લોરની આ એકંદરે 14મી જીત છે. બંને વચ્ચે અત્યાર સુધી 29 મેચ રમાઈ છે. જેમાંથી 12માં રાજસ્થાને જીત મેળવી છે.
વર્તમાન સિઝનની વાત કરીએ તો બેંગ્લોરની 7 મેચમાં આ ચોથી જીત છે. ટીમ પોઈન્ટ ટેબલમાં 5માં નંબર પર છે. ટોસ હાર્યા બાદ બેટિંગ કરતા બેંગ્લોરની ટીમે એમ ચિન્નાસ્વામી સ્ટેડિયમમાં 20 ઓવરમાં 9 વિકેટે 189 રન બનાવ્યા હતા. જવાબમાં રાજસ્થાનના બેટ્સમેનો 20 ઓવરમાં 6 વિકેટે 182 રન જ બનાવી શક્યા હતા.
Next Story
