શ્રીલંકાના બેટ્સમેન દાનુષ્કા ગુણાથિલકની ઓસ્ટ્રેલિયામાં બળાત્કારના આરોપમાં ધરપકડ.!

શ્રીલંકાના ટોપ ઓર્ડર બેટ્સમેન દાનુષ્કા ગુણાથિલકની સિડનીમાં બળાત્કારના આરોપમાં ધરપકડ કરવામાં આવી છે. ગુણાથિલકનો T20 વર્લ્ડ કપની ટીમમાં સમાવેશ કરવામાં આવ્યો હતો. શ્રીલંકાની ટીમે વિશ્વ કપમાં તેની છેલ્લી મેચ શનિવારે (5 નવેમ્બર) ઈંગ્લેન્ડ સામે રમી હતી. શ્રીલંકન ટીમના સૂત્રોના જણાવ્યા અનુસાર ન્યૂઝ એજન્સી પીટીઆઈએ જણાવ્યું કે સિડની પોલીસે ગુણાથિલકની ધરપકડ કરી છે. બાકીના ખેલાડીઓ તેમના વિના શ્રીલંકા જવા રવાના થઈ ગયા છે.

ઓસ્ટ્રેલિયામાં T20 વર્લ્ડ કપ માટે શ્રીલંકાની ટીમ સાથે પ્રવાસ કરી રહેલા ગુણાથિલક ઈજાના કારણે ટૂર્નામેન્ટમાંથી બહાર થઈ ગયા હતા. જો કે, અશિન બંદરાના સ્થાને સત્તાવાર રીતે ટીમમાં આવ્યા હોવા છતાં તે ટીમ સાથે જોડાયેલો રહ્યો. હેમસ્ટ્રિંગની સમસ્યાને કારણે ગુણાથિલક ટીમમાંથી બહાર થઈ ગયા હતા.