T20 વર્લ્ડ કપ : બુમરાહની જગ્યાએ શમીને T20 વર્લ્ડ કપ માટે ભારતીય ટીમમાં સામેલ, શાર્દુલ અને સિરાજ રિઝર્વ

મોહમ્મદ શમીને આગામી T20 વર્લ્ડ કપ માટે ટીમ ઈન્ડિયામાં સામેલ કરવામાં આવ્યો છે. ભારતીય ક્રિકેટ કંટ્રોલ બોર્ડએ શુક્રવારે આની જાહેરાત કરી હતી. શમીને અનુભવી ઝડપી બોલર જસપ્રીત બુમરાહની જગ્યાએ ટીમમાં સામેલ કરવામાં આવ્યો છે. બુમરાહ ઈજાના કારણે ટૂર્નામેન્ટમાંથી બહાર થઈ ગયો છે. શમી ઉપરાંત મોહમ્મદ સિરાજ અને શાર્દુલ ઠાકુરને સ્ટેન્ડબાય ખેલાડીઓની યાદીમાં રાખવામાં આવ્યા છે.

દીપક ચહરની ઈજા અને શમીના મુખ્ય ટીમમાં સમાવેશ બાદ સિરાજ અને શાર્દુલને સ્થાન આપવામાં આવ્યું છે. સિરાજ અને શાર્દુલે દક્ષિણ આફ્રિકા સામેની હોમ સિરીઝમાં શાનદાર પ્રદર્શન કર્યું હતું. સિરાજને વનડે શ્રેણીમાં પ્લેયર ઓફ ધ ટુર્નામેન્ટ જાહેર કરવામાં આવ્યો હતો.