શ્રીલંકા પ્રવાસ માટે ટીમ ઇન્ડિયાની જાહેરાત, T20ની કમાન સૂર્યકુમાર યાદવને સોંપાય

શ્રીલંકા પ્રવાસ માટે ભારતીય ટીમની જાહેરાત કરવામાં આવી છે. BCCIએ ગુરુવારે T-20 અને વન-ડે સિરીઝ માટે ટીમની જાહેરાત કરી. T-20ની કમાન સૂર્યકુમાર યાદવને સોંપવામાં આવી છે.T-20 સિરીઝની પ્રથમ મેચ 27 જુલાઈએ પલ્લેકેલેમાં સાંજે 7:00 વાગ્યે રમાશે. વન-ડે સિરીઝ 2 ઓગસ્ટથી કોલંબોમાં શરૂ થશે.ભારતીય ટીમે છેલ્લે 2021માં શ્રીલંકાનો પ્રવાસ કર્યો હતો. ટીમે 3 વન-ડે અને 3 T-20 મેચની સિરીઝ રમી હતી. ત્રણ મેચની સિરીઝ 2-1થી જીતી હતી, જ્યારે ટી-20 સિરીઝમાં ભારતને 2-1થી હારનો સામનો કરવો પડ્યો હતો.