પુત્ર ફિનિશર કિંગ બન્યો, છતાં પિતાએ ન છોડ્યું ગેસ સિલિન્ડર ડિલિવરીનું કામ..!

વ્યક્તિ ગમે તેટલો મોટો થઈ જાય, તેણે તેના મૂળને ભૂલવું ન જોઈએ. આવી જ ઘટના ભારતીય ટીમના એક ખેલાડીના પરિવાર સાથે જોવા મળી છે.

હાલમાં જ ભારતીય ટીમના બેસ્ટ ફિનિશર રિંકુ સિંહના પિતાનો એક વીડિયો સોશિયલ મીડિયા પર વાયરલ થઈ રહ્યો છે. વીડિયોમાં રિંકુના પિતા તેમનું જૂનું કામ કરતા જોવા મળે છે. ચાહકોને આ વીડિયો ઘણો પસંદ આવ્યો છે અને તેના પર પોતાનો પ્રેમ વરસાવ્યો છે.

ખરેખર, રિંકુ સિંહના પિતા ભીડવાળા બજારની વચ્ચે સિલિન્ડર સપ્લાય કરતા જોવા મળે છે. રિંકુના પિતા તેમની સિલિન્ડર સપ્લાય કરતી ઓટોનો પાછળનો દરવાજો બંધ કરી રહ્યા છે, જેમાં ઘણા બધા સિલિન્ડર પડેલા જોવા મળે છે. હવે બધાને રિંકુના પિતાની મહેનત ખૂબ જ પસંદ આવી રહી છે.