U19 વર્લ્ડ કપ: મુશીરની વધુ એક સદી, સૌમ્યની 4 વિકેટ, ભારત સામે સુપર-6માં ન્યુઝીલેન્ડની શરમજનક હાર.!

અંડર-19 વર્લ્ડ કપમાં ભારતનું શાનદાર પ્રદર્શન ચાલુ છે. મંગળવારે ન્યુઝીલેન્ડ (ભારત vs ન્યુઝીલેન્ડ U19) સામે રમાયેલી મેચમાં ટીમ ઈન્ડિયાએ 214 રનથી જીત મેળવી હતી. સુપર-6 રાઉન્ડની પ્રથમ મેચમાં ભારતને એકતરફી જીત મળી હતી.

પ્રથમ બેટિંગ કરતા ભારતીય ટીમે 296 રનનો ટાર્ગેટ આપ્યો હતો, પરંતુ ન્યૂઝીલેન્ડની ટીમ 100 રનનો આંકડો પણ સ્પર્શી શકી ન હતી અને 81 રનમાં જ તુટી પડી હતી. જેક કમિંગે 16 રન અને જેમ્સે 10 રન બનાવ્યા હતા. ભારત માટે મુશીર ખાનનું બેટ ગડગડાટ કરતું હતું અને સૌમ્ય પાંડે બોલિંગમાં ધૂમ મચાવી હતી. બંનેના વિસ્ફોટક પ્રદર્શનના કારણે ભારતને આ શાનદાર જીત મળી હતી.