સુરત: ખેડૂત નેતા રાકેશ ટીકેટ આગામી તારીખ 5મી એપ્રિલના રોજ આવશે બારડોલી,જુઓ કેવી છે તૈયારી

ખેડૂત નેતા રાકેશ ટીકેટ આગામી તારીખ 5મી એપ્રિલના રોજ બારડોલી આવી રહ્યા છે જેના આયોજન સંદર્ભે યોજાયેલ બેઠકમાં પૂર્વ સી.એમ. શંકરસિંહ વાઘેલા ઉપસ્થિત રહ્યા હતા.

આગામી 5 તારીખના રોજ ખેડૂત નેતા રાકેશ ટીકેટ બારડોલી આવી રહ્યા છે જેના ભાગરૂપે ગુજરાત કિસાન સંઘર્ષ સમિતિ દ્વારા એક બેઠકનું આયોજન કરવામાં આવ્યું હતું જેમાં ગુજરાતના પૂર્વ મુખ્યમંત્રી અને દિગગજ નેતા શંકરસિંહ વાઘેલા પણ હાજર રહ્યા હતા અને સાથે જ પૂર્વ કેન્દ્રીય મંત્રી તુષાર ચૌધરી, માંડવીના ધારાસભ્ય આનંદ ચૌધરી તેમજ અનેક રાજકીય,સહકારી આગેવાનોએ હાજરી આપી હતી.તેઓએ ખેડૂતોને સંબોધતી વેળાએ સરકાર પર આકરા પ્રહાર કર્યા હતા,અને કહ્યુ  હતું કે ગુજરાતના ખેડૂતોનો,મધ્યમ વર્ગના લોકોનો અવાજ દિલ્હી પહોંચે તે માટે સમર્થનની અપીલ કરવામાં આવી હતી